سری نگر: په مقبوضه جموں او کشمیر کې د هندي رسنیو له خوا د سرحدي نفوذ په اړه داسې عجیب او مسخره ادعا مخې ته راغلې چې خپله د هند د امنیتي بیانیې اعتبار یې تر پوښتنې لاندې راوستی دی
د هندي اوپن سورس استخباراتي اکاؤنټونو او ټلویزیوني چینلونو له مخې دا ادعا خپره شوې چې د جنوبي لبنان د “المعشوق” سیمې یو “بازی” نومی لبناني وسله وال د پاکستان له لارې کشمیر ته داخل شوی او د لشکر طیبہ له څلور کسیز ډلې سره په پونچ سیمه کې فعالیت کوي
امنیتي دعوو او رسنیزو بیانیو ترمنځ تضاد
د سیمهییزو امنیتي چارو شنونکي دا نوی بیان د ‘جولي ووډ’ یوه بله کمزوري فلمي کیسه بولي او وایي چې له مخکې ناکامو اسکرېپټونو وروسته اوس د ریټینګ لوړولو لپاره په کیسه کې د لبناني عنصر اضافه شوې ده
په زړه پورې خبره دا ده چې دا نوی بیان خپله د هند د رسمي امنیتي دعوو سره ټکر لري ځکه یو خوا هند ادعا کوي چې په LoC کې تر ټولو پرمختللی امنیتي سیستم موجود دی خو بل خوا د خپلو ناکامیو د پټولو لپاره داسې کیسې جوړوي چې ګواکې یو لبنانی کس له ټولو نړیوالو سرحدونو او سختو امنیتي تدابیرو تېر شوی او د کشمیر منځ ته رسېدلی دی
پونچ کې د جیش او لشکر په نوم پیل شوی وروستی لټون عملیات د همدې ‘جولي ووډ’ سکرېپټ برخه بلل کېږي چې هدف یې د حقیقي حالاتو څخه د خلکو پام اړول دي