اسلام آباد کې د پاکستان مونومنټ پر چت د «بنیان مرصوص» په نوم یو پروقار لېزر شو ترسره شو، چې د پاکستان د جوړېدو له مبارزې څخه تر نن ورځې پورې د هېواد د پرمختګ او دفاع تاریخي سفر یې په ډېر جذباتي او هنري انداز کې انځور کړ
د لېزر شو په پیل کې د تحریکِ پاکستان هغه دور یاد شو چې په کې مسلمانانو د یو آزاد هېواد د ترلاسه کولو لپاره سختې هجرتونه او لویې قربانۍ ورکړې. په ننداره کې وښودل شول چې څنګه دا وطن د بېشمېره دعاوو او وینو په قیمت جوړ شو
وروسته د ۱۹۶۵م د جګړې اتلان، د هېواد د دفاع شهیدان او غازیان ځانګړې توګه وستایل شول. د لېزر رڼاګانو په مرسته د شاهینو پرواز، د سمندري ځواکونو چمتووالی او د سرحدي ځواکونو مېړانه انځور شوه. د «معرکه حق» تر عنوان لاندې د شهیدانو قربانیو ته د درناوي پیغام وړاندې شو
د نندارې مهمه برخه د پاکستان د دفاعي ځواک، ایټمي پرمختګ او ځانبسیاینې سفر و، چې د چاغي د ایټمي ازموینو منظرونه پکې وښودل شول. «بنیان مرصوص» د یو قوي او متحد ملت پیغام ورکړ چې د هر ډول ګواښ پر وړاندې د فولادي دیوال په څېر ولاړ دی
په پای کې پیغام دا و چې راتلونکی پاکستان به د تعلیم، اتحاد او پرمختګ پر لور روان وي او د هېواد خپلواکي او دفاع به تل د خلکو د یووالي په وسیله خوندي وي