د پاکستان دایمي استازي سفیر عاصم افتخار احمد د ملګرو ملتونو د امنیت شورا په هغه بحث کې چې د بوسنیا او هرزګوینا د وضعیت په اړه جوړ شوی و، د پاکستان دریځ وړاندې کړ او د دغه هېواد د خپلواکۍ او ځمکنۍ بشپړتیا لپاره یې د نهبدلېدونکي ملاتړ بیا تایید وکړ
سفیر عاصم افتخار د خپلې وینا په پیل کې وویل چې په وروستیو کلونو کې د بوسنیا او هرزګوینا په سیاسي وضعیت کې بدلونونه د هېواد ټولیز چاپېریال، په ځانګړي ډول د بېلابېلو قومونو ترمنځ نازک توازن ته مثبت نه دي تمام شوي. هغه د دې خبرې خواشیني څرګنده کړه چې سیاسي کړکېچ او اداري ځنډ د هېواد پر اداري، قانونګذاري او اساسي جوړښت سخت اغېز کړی دی
د کریسټین شمېټ استعفا
پاکستاني استازي د عالي استازي کریسټین شمېټ راپور وستایه او د هغه د استعفا د نیت یادونه یې وکړه. هغه پر نړیوالو اړخونو غږ وکړ چې ژر تر ژره د نوي عالي استازي ټاکنه وکړي، څو د بوسنیا چارواکي خپلې دندې او اصلاحاتي اجنډا په چټکۍ پر مخ یوسي، چې دا د هېواد د راتلونکي ثبات لپاره مهمه ده
تحریکوونکو ویناوو ته اندېښنه
د امنیتي وضعیت په اړه سفیر وویل چې که څه هم پر ځمکه وضعیت نسبي باثباته دی، خو د قومیت او مذهب پر بنسټ تفرقې رامنځته کوونکې خبرې اندېښمنوونکې دي. هغه ټینګار وکړ چې د یوې ډلې په نښه کول او د نفرت خپرول هېڅکله د سیمې په ګټه نه دي
د سربرېنیڅا یادونه
سفیر یادونه وکړه چې د سربرېنیڅا بدنام نسلوژنه یوازې د وسلو له امله نه وه پیل شوې، بلکې د نفرتانګېزو ویناوو او پاروونکو خبرو څخه پیل شوې وه. هغه وویل چې ګاونډیان د وجودي خطر په توګه وړاندې کول په تېرو وختونو کې ناوړه پایلې لرلې دي، نو د داسې نفرتانګېزو خبرو کلکه غندنه ضروري ده
د ډیټن تړون ملاتړ
پاکستان ټینګار وکړ چې د سولې لپاره د عمومي چوکاټ تړون (ډیټن تړون) او د هغه لاندې جوړ شوي اساسي ادارې د هېواد د پرمختګ او ثبات ضامن دي. د پاکستان په باور تلپاتې سوله یوازې هغه وخت ممکنه ده چې ټول اړخونه د ډیټن تړون پر بنسټیزو اصولو کلک عمل وکړي
نړیواله همکاري
پاکستان ومنله چې بوسنیا او هرزګوینا حق لري چې د خپلې خوښې سره سم له هرې سیمهییزې سیاسي یا اقتصادي اتحادیې (لکه اروپایي ټولنه) سره یوځای شي. پاکستان باور لري چې اقتصادي پرمختګ او نړیوالې همکارۍ د هېواد د سوکالۍ لپاره مهم رول لري
د مشرتابه لپاره پیغام: خبرې او همکاري
سفیر له بوسنیا د درې واړو لویو قومونو (بوسنیایان، کروات او سرب) وغوښتل چې تفرقه او خطرناک بیانونه رد کړي. هغه وویل چې پاکستان له بوسنیا سره ژور ورورولي اړیکې لري او هیله لري چې مشرتابه د عقل او تدبیر له لارې خپلې ستونزې د خبرو اترو له لارې حل کړي، څو د خلکو لپاره یو سولهییز او باعزته راتلونکی جوړ شي
قطر او ترکیه د اوربند لپاره د پاکستان پر منځګړیتوب د باور څرګندونه وکړه