په بلوچستان کې د بېلتون غوښتونکو او ترهګریزو بیانیو ته یو بل سخت ګوزار ورکړل شوی دی. د پنجګور د تسپ سیمې ځوان عاصم لطیف له بلوچ یکجهتی کمیټه سره خپله اړیکه پرې کړې او د پاکستان له ریاست سره یې د بشپړې وفادارۍ اعلان کړی دی
د راپورونو له مخې، هغه د منع شوې بلوچستان لبریشن آرمي او نورو وسلهوالو ډلو د بېلتون غوښتونکي بیانیې سخت رد کړي دي او ویلي یې دي چې نور د بلوچ یکجهتی کمیټې برخه نه دی.
هغه په خپل بیان کې ژمنه کړې چې د پاکستان د اساسي قانون له مخې به د هېواد د سولې او امنیت لپاره کار کوي
ځایي خلکو او شنونکو دا ګام د سولې او ملي یووالي په لور یو ښه پرمختګ بللی دی. د هغوی په وینا، د ځوانانو له تشدد او مشکوکو سیاسي لارو څخه لرې کېدل ښيي چې د بلوچستان خلک اوس د پرمختګ او ثبات غوښتونکي دي.
په ټولنیزو رسنیو کې هم دا پرېکړه ستایل شوې او د سیمې د تاوتریخوالي د کمېدو لپاره مهم ګام بلل شوی دی. وروستیو کې د بلوچستان له بېلابېلو سیمو ګڼو ځوانانو ورته پرېکړې کړې دي او د ریاست ضد پروپاګند یې رد کړی دی.