دفاعي او تزویراتي کارپوهه ډاکټر ماریه سلطان له HTN سره په ځانګړې مرکه کې د افغانستان د اوسني وضعیت په اړه ژوره اندېښنه څرګنده کړې ده. هغې ادعا کړې چې که د طالبانو اوسنی د حکومت طرز نور یو کال هم همداسې دوام وکړي، نو د افغانستان جغرافیایي بشپړتیا له جدي خطرونو سره مخ کېدای شي
ډاکټر ماریه سلطان زیاتوي چې د دولت بقا د ټولو قومي ډلو د حقونو په منلو کې نغښتې ده، او که داسې ونه شي نو د هېواد د څو برخو د وېش خطر له منځه نه شي تللای
افغانستان تاریخي شالید
د هغې په وینا، د افغانستان تاریخي شالید دا ښيي چې بېلابېل قومي ډلې له طالبانو د ظهور نه مخکې هم د امنیتي جوړښتونو برخه پاتې شوي دي. هغه وایي که طالبان دا حقیقت له پامه غورځوي چې ټول قومونه د ژوند کولو او د دولت برخه کې د برابر حق لري، نو وضعیت به له کنټروله ووځي
شمولیت پر بنسټ سیاسي
په راپور کې ټینګار شوی چې افغانستان ته اړتیا ده چې پر عصري او پرمختللو بنسټونو ولاړ، د شمولیت پر بنسټ سیاسي نظام رامنځته کړي. که طالبان د انساني حقونو او سیاسي ګډون په اړه روښانه تګلارې ونه لري، نو داخلي کړکېچ به د قومي شخړو لامل شي چې پایله یې د هېواد د وېش په شکل کې راڅرګندېدای شي
ډاکټر ماریه سلطان وایي دا خبرې په داسې وخت کې مخې ته راځي چې نړیواله ټولنه هم پر طالبانو د یوه ټولشموله حکومت د جوړېدو فشار زیات کړی دی. د کارپوهانو په باور که قومي نارضایتۍ حل نه شي، نو افغانستان کې د کورنۍ جګړې نوی پړاو پیل کېدای شي چې د ټولې سیمې ثبات ته به سخت زیان ورسوي