اسلام آباد: نړیوالو چارو کارپوهانو او دفاعي شنونکو په افغانستان کې د ملګرو ملتونو د مرستندویه ماموریت وروستی راپور د حقایقو خلاف بللی او رد کړی دی د هغوی په وینا دا راپور د زمکني واقعیتونو پر ځای د یوې وسلهوالې ډلې پر جوړ شوي بیانیې ولاړ دی او د ترهګرۍ اصلي علتونه پټوي.
سفارتکار شنونکي وايي، د اوربند د تړونونو او د پاکستان د زغم سره سره افغان لوري له کوم دلیل پرته د سرحدي سیمو په نښه کولو ته دوام ورکړی دی
په وروستیو ورځو کې باجوړ، جنوبي وزیرستان او چمن ملکي سیمې د افغانستان له لوري د مارټر ګولیو په بریدونو کې په نښه شوې، چې له امله یې کورونو ته زیان او بېوسلې خلک اغېزمن شوي دي. د اپرېل په ۲۷مه د باجوړ په لغاري کې یو زدهکوونکی ټپي شوی، او د اپرېل په ۲۸مه د چمن په محمد حسن کلي کې د مارټر د لګېدو له امله یو وګړی وژل شوی او بل سخت ټپي شوی دی
شنونکي ادعا کوي چې افغان لوري قصداً خپلې وسلې د ملکي سیمو تر څنګ ځای پر ځای کوي او کله چې دا ځایونه په نښه شي، نو د ملکي تلفاتو په نوم نړیوال غبرګون ته هڅه کوي
دوی پوښتنه کوي چې ولې نړیوال ادارې د پاکستاني ملکي وګړو پر مرګ ژوبله چوپ پاتې دي او ایا دا راپورونه په ساحه کې تصدیق کېږي که یوازې د یوې ډلې پروپاګنډ خپروي
کابل کې عامه املاک کارول، روغتون کې ترهګري روزنه ادعاوې بېپرده شوې