لاهور: د ایچ بي ایل پي ایس اېل ۱۱ په سنسنیز فاینل کې پېښور زلمي په زړه پورې لوبه وکړه او حیدراباد کنګز مېن ته یې په یو اړخیزه مقابله کې ماتې ورکړه او ټرافي یې خپله کړه. دا تاریخي لوبه د لاهور په قذافي سټېډیم کې ترسره شوه، چې پکې د کرکټ مینهوال په زیات شمېر حاضر وو او سټېډیم له تماشچیانو ډک و
د ټاس پرېکړه او بیټنګ
د پېښور زلمي کپتان بابر اعظم ټاس وګاټه او لومړی یې د فیلډنګ پرېکړه وکړه چې سمه ثابته شوه. د حیدراباد کنګز مېن بیټنګ له پیل څخه تر فشار لاندې وه او ټوله لوبډله په ۱۸ اورونو کې د ۱۲۹ منډو په جوړولو آوټ شوه. د هغوی له لوري صائم ایوب ۵۴ منډې وکړې، مارنوس لبوشین ۲۰ او معاذ صداقت ۱۱ منډې جوړې کړې
د بالرانو غوره کارکردګي
د زلمي بالرانو په لوبه قوي کنټرول درلود. ایرون هارډي د ۲۷ منډو په بدل کې ۴ ویکټې واخیستې او تر ټولو بریالی بالر و، او ناهید رانا د ۲۲ منډو په ورکولو سره ۲ لوبغاړي آوټ کړل
د ټورنمنټ دوامداره برلاسی
پېښور زلمي په ټول ټورنمنټ کې ډېر ثابت او پیاوړی عملکرد وښود او یوازې یو مېچ یې وبایله، چې دا بریا یې لا هم تاریخي او یادګاري کړه
رنګینه اختتامي مراسم
له لوبې وړاندې یوه رنګینه اختتامي مراسم هم ترسره شول چې پکې عاطف اسلم، علي عظمت، عارف لوہار او آئمه بېګ خپلو هنري نندارو سره مینهوال خوښ کړل. د زلمي دې سترې بریا مینهوال ډېر خوشحاله کړي دي