ایران او امریکا ترمنځ د تاوتریخوالي کمولو لپاره نوی سفارتي پلان وړاندې شوی، چې له مخې به دواړه هېوادونه مستقیمو خبرو پر ځای بالواسطه مذاکرات کوي. د مشهور جیوپولیټیکل شنونکي حیدر نقوي په وینا، د لومړي پړاو مستقیمو خبرو وروسته د ایراني ولس سخت غبرګون او غوسې له امله دویم پړاو لغوه شو، او اوس د پاکستان په وړاندیز نوی منځګړی سیستم عملي شوی دی.
د پاکستان مهم رول
سرچینې وایي چې ایران تر هغې له امریکا سره مستقیمو خبرو ته نه کیني څو واشنګټن د هغوی ټولې غوښتنې ونه مني. د دې بندښت د ماتولو لپاره پاکستان یو منځنی لاره وړاندې کړې، چې له مخې به پاکستان، عمان او روسیه د دواړو هېوادونو ترمنځ د پیغام رسولو دنده ترسره کوي
راتلونکی لوری
د راپور له مخې تر هغه وخته چې د دې غیر مستقیمو خبرو مثبتې پایلې ترلاسه نه شي، مستقیمې لیدنې به وځنډول شي، خو تخنیکي ټیمونه به اړیکه کې پاتې شي څو مهمو موضوعاتو کې پرمختګ دوام ولري کارپوهان وایي دا تګلاره کولی شي د ولسي فشار کمولو او د پټو سفارتي هڅو له لارې عملي پایلو ته د رسېدو زمینه برابره کړي
سیمهییز اغېز
شنونکي باور لري چې په دې نوي سفارتي چوکاټ کې د پاکستان مرکزي رول یو ځل بیا د هېواد نړیوال اهمیت روښانه کوي. که دا غیر مستقیم مذاکرات بریالي شي، نو نه یوازې د منځني ختیځ د کړکېچ فضا به آرامه شي، بلکې د واشنګټن او تهران ترمنځ د لسیزو زړې سړې اړیکې د پای ته رسېدو امکان هم رامنځته کېدای شي