پاکستان د فضایي څېړنو په ډګر کې یوه نوې تاریخي لاسته راوړنه ثبت کړه. سپارکو یو پرمختللی مقامي جوړ شوی “الیکټرو آپټیکل سیټلایټ (EO-3)” د چین د تایوان سیټلایټ لانچ سنټر څخه په بریالیتوب فضا ته واستاوه آئی ایس پی آر دا لانچ د هېواد د تخنیکي وړتیا او خودکفالت لور ته یو لوی ګام وباله
موخې او ګټې
د آئی ایس پی آر له مخې EO-3 سیټلایټ د پاکستان د فضایي سفر یو مهم پړاو دی. دا پرمختللی سیټلایټ به د ځمکې انځورونه او څارنې معلومات برابر کړي، چې په ښاري پلان جوړونه، د طبیعي افتونو مخنیوي، غذایي امنیت او چاپېریالي ساتنې کې مهم بدلونونه راوستلای شي دا ټیکنالوژي د ملي لومړیتوبونو په ترلاسه کولو او دوامداره ټولنیز-اقتصادي پرمختګ کې کلیدي رول لري
د وزیراعظم ستاینه
د دې تاریخي پرمختګ په مناسبت د پاکستان وزیراعظم میا محمد شهباز شریف د سپارکو انجینرانو او ساینسپوهانو هڅې وستایلې او دا یې د پاکستانی ماهرینو د عزم څرګند ثبوت وباله. هغه د فضایي ټیکنالوژۍ په برخه کې د پاکستان سره د اوږدې مودې همکار هېواد چین ځانګړې مننه هم وکړه
راتلونکی اغېز
د EO-3 سیټلایټ په بریالیتوب سره پاکستان د ځمکې د څارنې نظام نور هم قوي او منظم شو. دا ټیکنالوژي به د معلوماتو په راټولولو کې مرسته وکړي او د حکومت د تصمیم نیونې او پلان جوړونې پروسې به لا اغېزمنې کړي