د ایران د بهرنیو چارو وزارت ویاند اسماعیل بقایي ویلي چې اسلامي جمهوري ایران د جګړې د پای ته رسولو او په سیمه کې د سولې لپاره د پاکستان صادقانه ډیپلوماټیکې هڅې د قدر وړ ګڼي
د اوربند د تمدید په اړه له تبصرې ډډه
هغه ویلي چې کله ترې د امریکا له لوري د اوربند د ۳ تر ۵ ورځو د تمدید په اړه پوښتنه وشوه، نو تهران پرې له هر ډول تبصرې کولو ډډه کړې ده
د ایران دریځ او ملي ګټې
بقایي ټینګار کړی چې د ایران ټولې پرېکړې یوازې د ملي ګټو، وقار او امنیت د خوندیتوب پر بنسټ کېږي. هغه زیاته کړې چې تهران به د فشار یا ټاکل شوو ضربالاجلو پر ځای د خپلې ملي امنیتي اړتیاوو له مخې پرېکړې کوي
ډیپلوماټیکه شننه
د ډیپلوماټیکو کارپوهانو په وینا، د ایران دا بیان یو لوري ته د پاکستان د رول تایید کوي، او بل لوري ته د واشنګټن د “مهلت ډیپلوماسۍ” په وړاندې د احتیاط او خپلواک دریځ څرګندونه ده. دا دریځ په داسې وخت کې مخې ته راغلی چې د امریکا ولسمشر ډونلډ ټرمپ د جمعې په ورځ د خبرو د دوهم پړاو د پیل هیلې څرګندې کړې دي