د امریکا او ایران ترمنځ د مذاکراتو د دوهم پړاو له امله په اسلامآباد کې ریډ الرټ اعلان شوی او سخت امنیتي تدابیر نیول شوي دي
۱۸ زره سرتېري ځای پر ځای شوي
د اسلامآباد پولیس، پنجاب پولیس، رېنجرز او ایف سي په ګډون ټول شاوخوا ۱۸ زره امنیتي سرتېري د ښار په بېلابېلو برخو کې ځای پر ځای شوي دي
ریډ زون تړل شوی
ریډ زون او پراخ شوی ریډ زون د هر ډول ټرافیک لپاره تړل شوی، او د مېټرو بس خدمت هم موقتي بند شوی دی. پلاوي به په یو خصوصي هوټل کې ځای پر ځای کېږي چې شاوخوا یې سخت امنیتي حصار جوړ شوی
سنایپر او رېنجرز ګمارنه
د مهمو لارو، هوايي ډګرونو او نورخان اېئر بېس په شاوخوا ودانیو کې سنایپر او رېنجرز ځای پر ځای شوي دي، او د پاک پوځ او پولیسو ګډې پوستې جوړې شوې دي.
سختې امنیتي لارښوونې
امنیتي اهلکارو ته سختې لارښوونې ورکړل شوي، د موبایل استعمال بند دی او د پنجاب له بېلابېلو سیمو څخه اضافي ځواکونه هم اسلامآباد ته رسېدلي دي، څو د مذاکراتو لپاره خوندي فضا یقیني کړي