مظفرآباد: د آزاد کشمیر وزیر اعظم فیصل ممتاز راٹھور ویلي چې د دولتي ادارو او نظام پر ولسي باور بېرته رغول او د مایوسۍ ختمول د دوی د حکومت تر ټولو لویه لاسته راوړنه ده
د ټي وي جرنلسټس ایسوسی ایشن له وفد سره د خبرو پر مهال هغه وویل که حکومت د خلکو ترمنځ پاتې نه وای او د هغوی ستونزې یې نه وای حل کړې، نو نظام له جدي خطرونو سره مخ کېدای شو، خو په لږ وخت او فشار سره ولس ته امید ورکول مهم پرمختګ دی
هغه زیاته کړه چې په آزاد کشمیر کې سیاسي فعالیتونه بېرته بحال شوي او د خلکو باور په جمهوري بهیر کې بیا ټینګ شوی دی، او د پیپلز ګوند حکومت په سختو حالاتو کې د امید څرک ګرځېدلی دی
سوشل او ډیجیټل میډیا، فیک نیوز او د پرمختګ پروژې
وزیر اعظم وویل چې سوشل او ډیجیټل میډیا یو اغېزمن وسيله ده چې د سم استعمال له لارې د سولې وده کې مرسته کولی شي، خو فیک نیوز او منفي پروپیګنډه د ریاست لپاره خطر جوړوي او مخنیوی یې لومړیتوب دی
هغه ټینګار وکړ چې د مسؤل ژورنالیزم وده او د جعلي خبرونو مخنیوي کې د میډیا رول ډېر مهم دی او حکومت به خبریالانو ته هر ډول اسانتیاوې برابرې کړي
فیصل ممتاز راٹھور وویل چې د دوامدارې پرمختیا لپاره د حکومتونو تسلسل ضروري دی او لږ تر لږه د پنځو څخه تر لسو کلونو پالیسي دوام د خودکفایتۍ هدفونو ته د رسېدو لپاره مهم دی.
هغه زیاته کړه چې څو کاله بند پاتې پرمختیایي پروژې بیا پیل شوي، چې پکې د مظفرآباد سالډ ویسټ مینجمنټ پروژه هم شامله ده
نړیوال بانک پاکستان د جنوبي اسیا پر ځای د منځني ختیځ او شمالي افریقا په ډله کې شامل کړی