د ایران او امریکا ترمنځ د کړکېچ د کمولو لپاره د پاکستان په منځګړیتوب د خبرو دوهم پړاو یو مهم او بېساری بدلون اخیستی شي. سفارتي کړیو کې داسې اوازې خپرې شوې دي چې د امریکا ولسمشر ډونلډ ټرمپ ښايي د ایران سره د وروستي تړون لپاره اسلامآباد ته سفر وکړي
که څه هم سپینه ماڼۍ او پاکستاني چارواکو تر اوسه رسمي تایید نه دی کړی، خو د ټرمپ نږدې کسانو څرګندونو دې اټکلونو ته نور هم ځواک ورکړی دی. ویل کېږي چې د ایران او امریکا د مخامخ خبرو لپاره اسلامآباد د ممکنه ځای په توګه تر غور لاندې دی
سفارتکاران وايي که دا لیدنه ترسره شي، نو دا به د سیمې د سولې او د پاکستان د سفارتي رول لپاره یو تاریخي پرمختګ وي