په میرپور کې ترسره شوې درېیمه او پریکړه کونکې یوه ورځنۍ سیالۍ کې بنګلهدېش پاکستان ته د ۱۱ منډو په توپیر ماتې ورکړه او د درېیو لوبو لړۍ یې وروسته له یوه زړه راښکونکي سیالۍ وګټله.
د بنګلهدېش بیټینګ
لومړی بیټینګ کولو پر مهال، بنګلهدېش د ټاکل شویو ۵۰ اورونو په جریان کې د ۵ ویکټو په زیان ۲۹۰ منډې جوړې کړې. تڼزید حسن یوه زړه راښکونکې اننګز ترسره کړه او په ۱۰۷ منډو سره سنچري جوړه کړه، پداسې حال کې چې توحید هردوی په ۴۴ منډو نه ماتیدونکی پاتې شو. لیتون داس ۴۱ منډې، سیف حسن ۳۶ منډې، او نجمل حسین شانتو ۲۷ منډې جوړې کړې.
د پاکستان بولینګ
د پاکستان له خوا، حارث رؤف ۳ ویکټې واخیستې، په داسې حال کې چې شاهین شاه افریدی او ابرار احمد هر یو یوه ویکټ ترلاسه کړه.
د پاکستان بیټینګ او سیالۍ پایله
د ټاکل شوي هدف د تعقیب پر مهال، پاکستان یوازې ۲۷۹ منډې جوړې کړې، چې بنګلهدېش ته د ۱۱ منډو په توپیر د سیالۍ ګټلو اجازه ورکړه
د ټاس او د پاکستان لوبډله
پاکستان د ټاس ګټلو وروسته لومړی فیلډنګ غوره کړه. د پاکستان لوبډله کې شامل وو:
صاحبزاد فرحان، معاذ صداقت، غازي غوري، محمد رضوان، سلمان آغا، عبدالسماد، سعد مسعود، فهیم اشرف، شاهین افریدی، حارث رؤف، او ابرار احمد
د یادونې وړ ده چې بنګلهدېش د لړۍ لومړۍ لوبه ګټلې وه، پاکستان دویمه لوبه وګټله، خو د درېیمې سیالۍ په بریا سره بنګلهدېش د درېیو لوبو لړۍ خپله کړه