د راپورونو له مخې د پاکستان فدرالي حکومت د انرژۍ د سپما لپاره د انلاين درسونو او له کوره د کار (هایبرډ کار) پلان تر غور لاندې نیولی دی. دا وړاندیز په داسې حال کې مطرح کېږي چې د منځني ختیځ د روانو کړکېچونو له امله د نړیوالو تېلو او ګازو د عرضې په اړه اندېښنې زیاتې شوې دي
د تعلیمي ادارو لپاره انلاين درسونه
د چارواکو په وینا ښايي ځینې تعلیمي ادارې خپل یو شمېر درسونه انلاين کړي. د دې ګام هدف دا دی چې په پوهنتونونو او ښوونځیو کې د برېښنا مصرف کم شي او د زدهکوونکو او استادانو ورځنی تګ راتګ هم محدود شي
په ادارو کې هایبرډ کار
بل لور ته خصوصي شرکتونه، په ځانګړي ډول د معلوماتي ټکنالوژۍ او مخابراتو سکتور، پر دې غور کوي چې کارکوونکو ته اجازه ورکړي تر اونۍ کې دوه ورځې له کوره کار وکړي
د انرژۍ د سپما نور اقدامات
حکومتي ادارې هم د هایبرډ کار سیستم ارزوي، چې له مخې به یوازې اړین کارکوونکي دفترونو ته ځي. سربېره پر دې، د ګډ ټرانسپورټ کارول او د انلاين حکومتي خدمتونو پراخول هم د انرژۍ د سپما د پلان برخه بلل کېږي
https://htnpashto.com/22326/ نور ولولئ: