په افغانستان کې د وروستیو کړکېچونو په رڼا کې د طالبانو مشرتابه په اړه بېلابېل ادعاوې مخې ته راغلي دي. سرچینې وایي ځینې مشران د امنیتي ستونزو له امله خپل حرکت محدود کړی او د اړیکو وسایل، لکه موبایل او واټس اپ، یې کارول بند کړي دي غیر تصدیق شوي راپورونه ښيي چې ځینې مشران د خپلو کورنیو سره خوندي ګڼل شویو سیمو ته تللي دي
د بدخشان والي اسماعیل غزنوي موقف
په همدې لړ کې د بدخشان د والي مولوي اسماعیل غزنوي په اړه غیر معمولي ادعاوې مخې ته راغلي دي. محلي سرچینو ویلي چې هغه د احتمالي هوايي بریدونو له وېرې په فیض آباد زندان کې موقتي استوګنځای اختیار کړی او څو شپې یې هلته تېري کړې دي فیض آباد یوه سرچینه وایي چې والي دا ګڼي چې زندان داسې ځای دی چې د برید امکان پکې لږ دی
د وضعیت تحلیل
تجزیه کاران وايي چې د اوسني وضعیت له امله د معلوماتو لاسرسی محدود دی، چې د بېلابېلو ادعاوو تصدیق ستونزمن کړی. په سیمه کې د کړکېچ د زیاتوالي په وخت کې د امنیتي اقداماتو بدلون او د مشرتابه حرکتونو په اړه افواوې خپرې دي، خو رسمي غبرګون نه دی ورکړل شوی
نور ولولئ: