د خيبر پښتونخوا د بنو ولسوالۍ پورې تړلې یوه ویډیو په ټولنیزو رسنیو کې په چټکۍ سره خپره شوې ده، چې پکې یوه کم عمره نجلۍ پر تشدد ښکاره شوې. ویل کېږي چې یادې نجلۍ په نارینه جامو کې وه او ادعا کېږي چې د همدې دلیل لپاره ورباندې تشدد شوی دی. په ویډیو کې ښکاره شوي کسان ښايي د طالبانو اړوند وي
د تحریک طالبان پاکستان غبرګون
د تحریک طالبان پاکستان ویاند محمد خراسانی د دې پېښې په اړه یوه تشریحي خبرپاڼه خپره کړې، چې پکې ویل شوي: تحریک طالبان پاکستان یوه «شرعي جګړه ییزه» ډله ده او د غیر شرعي یا له عدالت پرته سزا ورکولو اجازه نه ورکوي. ویاند زیاته کړې چې د پېښې د څېړنو لپاره د ډلې مشرتابه هدایتونه ورکړل شوي دي
د تیرې تجربې ورته والی
خو دا لومړی پېښه نه ده چې تحریک طالبان پاکستان په دې اساس ښځې یا نجونې هدف ګرځوي. د ویاند دغه بیان یوازې د عامه غبرګون مخنیوي لپاره ښکاري. د دې پېښې له امله د تحریک طالبان پاکستان او افغان طالبانو ترمنځ ورته والی هم څرګند شوی دی، څو ورځې وړاندې افغان طالبانو یوه وړوکه یتیمه نجلۍ نیولې وه، چې د خپلې کورنۍ د تمویل لپاره یې د هلک په څېر په یوه هوټل کې کار کاوه.
ټولنیز او بشري غبرګونونه
په ټولنیزو رسنیو او د بشري حقونو کارکوونکو له خوا په ویډیو شدید غبرګونونه ښودل شوي دي. ګڼ شمېر کسانو ویلي چې د نجلۍ عمر شاوخوا ۱۴ کاله و او یوازې د هلکانو جامو اغوستلو له امله ورباندې تشدد شوی
د بشري حقونو غوښتنې
د بشري حقونو کارکوونکو غوښتنه کړې چې د پېښې غیر جانبدارانه څېړنه وشي او مسؤل کسان د قانون سره سم سزا ورکړل شي، څو د دې ډول پېښو د تکرار مخه ونیول شي
نور ولولئ: