پېښور: د خیبر پښتونخوا امنیتی چارواکی وایی د افغان پولې څخه د احتمالي ترهګریزو ګواښونو له وجی په مرکزي ښار پېښور او د صوبې په نورو برخو کې پراخه سرچ او سټرایک عملیات ترسره شوي دي
د پېښور پولیسو له خوا د روان ۲۰۲۵ کال لپاره جاري شوې راپور ښيي چې د امنیت ټینګښت او د جرمونو مخنیوي لپاره منظم او هدفی عملیات تر سره شوي
د امنیتي ادارو له خوا په جاری شوی رپورټ ښیې چی په ۲۰۲۵ کال کې په پېښور کې مجموعی ۱،۰۱۶ سرچ او سټرایک عملیات ترسره شوي، چې پکی ۷۳۱ کسان د پوښتنو لپاره نیول شوي دي
د دغو عملیاتو ترڅنګ پولیسو ۸۴۶ بېلابېل ډول وسلې او له ۱۴ زرو زیاتې مرمۍ هم برآمد کړې دي، چې دا د امنیتي ګواښونو جدي څرګندونه کوي
راپور زیاتوي چې د منشیاتو پر ضد ځانګړو عملیاتو کې ۵۲۴ ملزمان نیول شوي، چې ترې ۹۰ کیلوګرامه چرس، ۹۱ کیلوګرامه آئس او نږدې ۳ کیلوګرامه هیروئین ترلاسه شوي دي
د پولیس رپورټ مطابق د منشیاتو د اډو پر ضد د کریک ډاون پر مهال ۹۵ بوتلونه شراب هم ضبط شوي دي
همدارنګه، د کرایهدارۍ د قوانینو د سرغړونې په تور ۱،۵۹۶ کسان نیول شوي، چې موخه یې د ناقانونه مېشتو او مشکوکو عناصرو څارنه او کنټرول بلل کېږي
د پولیسو چارواکي وايي چې دا عملیات به د امنیتي ګواښونو د مخنیوي لپاره لا هم دوام ولري، څو د ولس د سر او مال ساتنه باوري شي او د ترهګرۍ او جرمونو پر وړاندې کلک ګامونه واخیستل شي
