د پوليسو چارواکی وایی د سه شنبې په ورځ د خيبر پښتونخوا د کرک ولسوالۍ د ګرګري دامي بانډه په سيمه کې نامعلومو وسلهوالو پر يو پوليس موټر ډزې کړې، چې په نتیجه کې پنځه پوليس سرتېري شهيدان شوي دي
د ولسوالۍ د پوليسو وياند شوکت علی وویلی چې بريد پر هغه پوليس موټر شوی چې په سيمه کې ی ګزمه کوله
د هغوی په وینا د ډزو له امله موټر اور واخيست او پوليس سرتېري پکې بند پاتې شول. ټول شهيدان شوي کسان د پوليس ځواک سپاهیان وو
د شهيدانو نومونه د کانسټېبل شاهِد اقبال، سميعالله، عارف، صفدر او محمد ابرار ښودل شوي، یو پکې محمد ابرار د پوليس موټر چلوونکی هم و
پوليسو ويلي چې د پېښې له رامنځته کېدو وروسته د ولسوالۍ د پوليسو مشر کرک محمد سعود په ګډون د پوليسو درنه نفري سيمې ته ورسېده، سيمه يې کلابنده کړه او د بريدګرو د موندلو لپاره يې عمليات پيل کړل
د پولیس ضلعی مشر محمد سعود ځایی میډیا ته ویلی چې له پېښې ځایی شواهد راټولېږي او قضيه له هر اړخه څېړل کېږي
که څه هم د بريد کره نوعيت لا نه دی روښانه شوی، خو د پوليسو له لوري خپاره شوي انځورونه د سوځېدلي پوليس موټر پاتې شوني ښيي
دا بريد په خيبر پښتونخوا کې پر امنيتي ځواکونو د پرلهپسې بريدونو تازه برید دې ، په وروستيو اوونيو کې د ولايت په بېلابېلو سيمو کې ګڼ پوليس سرتېري د ډزو او ځانمرګي بريدونو کې شهيدان شوي، چې د سيمې د امنيتي وضعيت د جدي ننګونو څرګندونه کوي.
امنتی چارواکو وخت په وخت په دغه سيمو کی د ترهګرو په ضد عملیات کړی دی او ګنړ شمیر ترهګر ی وژلی او ګرفتار کړی هم دي
