د اسټرالیا پولیسو انکشاف کړی چې په هېواد کې د وروستي خونړي ترهګریز برید تر شا یوه ستره هند سره تړاو لرونکې ترهګره شبکه لاس لري
دا د روانو پلټنو په لړ کې یو مهم پرمختګ بلل کېږي. دا معلومات د اسټرالیا د پولیسو کمېشنر شریک کړی او ویې ویل چې شواهد د داسې منظم او همغږې شبکې شتون ښيي چې فعالیتونه یې د اسټرالیا له پولو اخوا غځېدلي دي
د کمېشنر په وینا، باور کېږي چې یادې شبکې د برید په پلان جوړونه، تمویل او عملي کولو کې مرکزي رول درلود، چې له امله یې ګڼ تلفات واوښتل او په ټول هېواد کې امنیتي خبرداري لوړې کچې ته پورته شول
د پلټنو د پراخېدو په ترڅ کې څلور نور هندي وګړي هم د ترهګرۍ اړوند تورونو لاندې نیول شوي، چې له دې سره د نیول شوو کسانو شمېر زیات شوی دی
پولیس وایي، پلټنې په پیل کې د بریدګر پر سمدستي کړنو او ځایي اړیکو متمرکزې وې، خو وروسته د عدلي شواهدو، ډیجیټلي معلوماتو او له نړیوالو شریکانو سره د استخباراتي همکارۍ له لارې د یوې پراخې افراطي شبکې تړاوونه په ډاګه شول. چارواکي ادعا کوي چې دې ډلې د اړیکو چینلونه، مالي لارې او لوژستیکي ملاتړ داسې جوړښت درلود چې له اسټرالیا بهر یې هم غځېدنه لرله
کمېشنر ټینګار وکړ چې نیونې د کومې ټولنې پر وړاندې نه دي، بلکې یوازې پر هغو کسانو متمرکزې دي چې د افراطي تاوتریخوالي په تور شکمن دي. هغی وویل دا یوه پېچلې د ترهګرۍ ضد پلټنه ده چې څو حوزې پکې شاملېی دی او زیاته یې کړه چې له بهرنیو قانون پلي کوونکو ادارو سره همکاري د شکمنو د پېژندنې او د هغوی د خوځښت د تعقیب لپاره بنسټیزه وه
د وروستي برید وروسته اسټرالیا د ملي ګواښ کچه لوړه کړه او په عامه ځایونو، ترانسپورتي مرکزونو او حساسو تاسیساتو کې امنیتي تدابیر زیات کړل. چارواکي وایي، تازه نیونو د احتمالي نورو بریدونو د مخنیوي او د یادې شبکې د مهمو برخو د ړنګولو کې مرسته کړې ده
تمه ده چې نیول شوي کسان په راتلونکو ورځو کې محکمې ته وړاندې شي، او پولیس وایي نور کسان هم امکان لري ونیول شي . پلټنې لا روانې دي او چارواکي خبرداری ورکوي چې د شبکې د بشپړ جوړښت معلومول وخت ته اړتیا لري، ځکه شواهد لا هم تر ارزونې لاندې دي
یادې قضیې په اسټرالیا کې د ترهګرۍ ضد چمتووالي، انلاین افراطیت او د نړیوال استخباراتي همغږۍ پر اهمیت بیا بحثونه راپارولي، څو د پولې هاخوا افراطي ګواښونو ته اغېزمن ځواب ووېل شي
نورخبرونه: ساجد اکرم ته هندي سفارتخانې پاسپورټ جاري کړې