پیښور : د پیښور ترهګرۍ ضد ځانګړې محکمې ته د ناقانونه ګرځول شوي تنظیم داعش یو نیول شوی غړی وړاندې شو، چې وروسته عدالت هغه د پنځه ورځو جسماني ریمانډ لپاره کاونټر ټیررازم ډیپارټمنټ ته د سپارلو سپارښتنه وکړه
د ترهګرۍ ضد محکمې قاضي فرید خان عليزئی د قضیې اورېدنه وکړه. د سيټيډي تفتیشي افسر محکمې ته وویل چې نیول شوی ملزم طفیل د داعش له ناقاونه ګرځول شوې تنظیم سره تړاو لري او په پيښور او نورو سیمو کې په بېلابېلو ترهګریزو پېښو کې ښکېل پاتې شوی دی
د تفتیشي افسر په وینا، ملزم پرون نیول شوی او د هغه څخه د نورو معلوماتو ترلاسه کولو لپاره لا پراخو پلټنو ته اړتیا ده. نوموړي محکمې ته استدعا وکړه چې ملزم دې د جسماني ریمانډ لپاره سيټيډي ته وسپارل شي
محکمې د سيټيډي غوښتنه ومنله او ملزم یې د پنځه ورځني جسماني ریمانډ لپاره د پلټنو ادارې ته وسپاره
پاکستان استخباراتي ادارو په وروستو کی د ناقاونه ګرځول شوی تنظیم ویاند سلطان عزيز اعزام هم ګرفتار کړی وو او دا ی یوه لویه کامیابي بللی وه