پېښور : د خیبرپښتونخوا وزیر اعلیٰ سهیل آفریدی د مې ۲۰۲۵ د هندي بزدلانه برید کې د صوبې د امنیتي ځواکونو د شهیدانو له ورثاء سره ملاقات کړی او هغوی ته یې باور ورکړی چې صوبایي حکومت به د شهیدانو له کورنیو سره په هر ډګر د هغوی په شا ولاړ وي او هغوی به یوازی نه پریږدي
وزیر اعلیٰ وویل چې د خیبرپښتونخوا حکومت د خپلو اتلانو قربانۍ نه هېروي او د هغوی د کورنیو بشپړ خیال ساتل خپله قامی او اخلاقي ذمه واري ګنړی
هغوي اعلان وکړو چې د کابینې له خوا منظور شوې ۵۰ لکه روپۍ مالي مرسته به نورې ۵۰ لکه روپۍ هم زیاتې شي، چې له مخې به د هر شهید کورنۍ ته ټولې ۱ کروړ روپۍ ورکول کېږي
سهیل آفریدی همدارنګه اعلان وکړ چې د جګړې پر مهال د خیبرپښتونخوا څخه د ټپي شویو پوځي کارکونکو لپاره د امدادي رقم به له ۱۰ لکو څخه ۲۵ لکو روپیو ته لوړه شي، څو د هغوی د درملنې او بیا رغونې اړتیاوې په ښه ډول پوره شي
هغوی وویل چې د خیبرپښتونخوا د ولس نه ختمېدونکې قربانۍ د هېواد او قوم د امنیت کلک ضامن دی. وزیر اعلیٰ زیاته کړه چې هغه کسان چې د حق په لاره کې شهیدان شي، هېڅکله نه مري. شهادت د مسلمان لپاره تر ټولو لوړه او مثالي مړینه ده
وزیر اعلیٰ ټینګار وکړ چې شهیدان د ټول ملت ویاړ دي او د خیبرپښتونخوا حکومت به د هغوی د کورنیو بشپړ ملاتړ ته دوام ورکوي
نورخبرونه: د پاکستان او افغانستان امن خبرو ملاتړي یو: وزیراعلی سهیل افریدي
د خیبر پښتونخوا وزیراعلی پر ضد پیکا ایکټ لاندې مقدمه درج شوې
د پاکستان تحریک انصاف نوي وزیراعلی لومړې وینا ددې ګوند د دوه مخې پالیسۍ ښکارندوی ده