اسلامآباد : ملګرو ملتونو افغانستان کی له طالبان چارواکو غوښتي چې په افغان ښځو لګول شوي بندیز دې غور وکړي
ملګرو ملتونو ویلي دي چې په دې سازمان کې د افغان ښځو د کار پر بندیز دې بیا غور وکړي او دا دې لرې کړي
سازمان خبرداری ورکړی چې دغه محدودیت د “ژوند ژغورونکو خدمتونو” مخه نیسي او د سلګونو ښځینه کارکوونکو د کار نهکولو له امله مرستندویه چارې له سختې ستونزو سره مخ شوې دي
په بشري مرستو مستقیم اغېز
له ۲۰۲۱ کال وروسته چې طالبان واک ته رسېدلي، افغان ښځې له پراخو محدودیتونو سره مخ دي، له کاره منع، د ۱۲ کلنۍ وروسته له زده کړو محرومیت، په پارکونو او عامو ځایونو بندیز، او د ښکلا سالونونو تړل.
۲۰۲۵ کال په سپتمبر کې بندیز د ملګری ملتونو دفترونو ته هم وغځېد، ښځینه کارکوونکې له دفترونو څخه لرې شوې
د افغانستان لپاره د ملګرو ملتونو د ښځو ځانګړې استازې، سوزان فرګوسن، وویل چې دغه بندیز هم د عملیاتي چارو او هم د بشري مرستو په وړاندې لوی خنډ دی
هغې ټینګار وکړچې موږ غوښتنه کوو چې په ښځینه افغان کارکوونکو د دفتر د داخلېدو بندیز لغوه شي او هغوی ته دفترونو او ساحې ته خوندي لاسرسی برابر شي
د مرستو د رسولو بهیر ګډوډ شوې
د ملګرو ملتونو ډېری عملیات تېرو درېیو میاشتو کې له لېرې ترسره شوي، خو ګڼ شمېر برنامې اغېزمنې شوې دي
ښځینه کارکوونکې د ښځو او نجونو سره په خوندي توګه د مرستو رسولو، د بیړنیو مرستو د وېش، او د کلتوري اصولو په رعایت کې حیاتي رول لري
د ښځینه کارکوونکو نشتوالی په ځانګړي ډول د وروستیو زلزلو پر مهال او د پاکستان او ایران څخه د بېرته راګرځېدونکو مهاجرینو په چارو کې د مرستو بهیر ګډوډ کړی دی.
راپورونه وايي چې څو سوه ښځینه کارکوونکې د بندیز له امله اغېزمنې شوي دي
فرګوسن وویل چې د ښځو حضور “نهبدلېدونکی او ډېر مهم” دی، ځکه یوازې د ښځینه کارکوونکو له لارې افغان ښځې او نجونې کولی شي اړینې مرستې ترلاسه کړي
د ښځو حقونو لا پسې ستونزمن کېدل
ملګرو ملتونو خبرداری ورکړی چې دغه پرېکړه د طالبانو تر واکمنۍ لاندې د ښځو د حقونو د لا خرابېدو یوه بله نښه ده. د زده کړو، کار او عامه ژوند محدودیتونه ښځې په ټولنیز او اقتصادي ډول له ژوند څخه شړلې دي
طالب چارواکو لا تر اوسه د ملګرو ملتونو دغې غوښتنې ته رسمي ځواب نه دی ورکړی
کارپوهان وايي چې که دغه محدودیتونه دوام وکړي، نو د افغانستان بشري بحران به نور هم زیات شي
پوهان وایی افغانستان له وړاندې اقتصادي سقوط، اقلیمي پېښو،مهاجرینو ستونزو سره مخ دی، او دا ستونزه نوره هم ژورېدلی شي