هند کې اورلګیدنه: د ګوا په نایټ کلب کې اورلګیدلې، ۲۳ کسان وژل شوي

د هند  د ګوا په نایټ کلب کې د اورلګېدنې له امله ۲۳ تنه وژل شوي، راپورنه وایی چې د هندوستان د ګوا په ایالت کې په یو نایټ کلب کې د اور لګېدو په پېښه کې لږ تر لږه ۲۳ کسان وژل شوي دي

د بهرني خبري اژانس د راپور له مخې، اور هغه وخت ولګېد چې په کلب کې د ګاز سلنډر وچاودېده. پېښه د ګوا د ارپورا ولسوالۍ په یو نایټ کلب کې رامنځته شوې ده.

د اورلګېدنې په دې پېښه کې د کلب د کارکوونکو غړي او سیلانیان دواړه وژل شوي دي

د ګوا د وزیر اعلیٰ غبرګون

د ګوا وزیر اعلیٰ، پرامود سوانت، د پېښې د بشپړو تحقیقاتو امر کړی دی، ده ویلي چې باید وڅېړل شي چې ایا د اور د مخنیوي اصولو او د ودانۍ د خونديتوب قوانین پلي شوي وو که نه، ټینګار ی کړه چې د پېښې مسوولینو ته به تر ټولو لویه سخته سزا ورکول کېږي.

امدادي هڅې روانې دي چارواکي وایي چې د اور د لګېدو له پېښې وروسته د ژغورنې او لټون عملیات دوام لري، او د مرستې ټیمونه په ساحه کې کار کوي