اسلاماباد/پېښور: مرکزی حکومت په ۱۱م قامی مالیاتي کمیشن لومړۍ غونډه نن د زیارت په ورځ رابللی او خیبرپښتونخوا وايي چې په دې مهمه غونډه کې به د خپلو پاتې مالي حقونو لپاره یو قوي، مستند او پر حقایقو ولاړ دریځ وړاندې کړي
وفاقي د مالیې وزیر محمد اورنګزیب د غونډی مشري کوي، چې په رسمي ډول به د هېواد قابل تقسیم مالیی د افقي او عمودي وېش لپاره خبرې اترې پیل کړي
د څلورو صوبو د مالیې وزیران او څلور نور اقتصادی پوهان (نانسټیټټري) غړي به د کمیشن په غونډه کې ګډون اوکړی . د سند او خیبرپښتونخوا وزیراعلی چې دواړه د مالیې چارج هم لري ،په دې غونډه کې ګډون کوي. د خیبر پښتونخوا وزیراعلیٰ سهېل آفریدی سلاکار مزمل اسلم، د مالیې سیکتر او نور غړي به په مشرۍ د لوی پلاوی رهبري کوي
د وفاق ایجنډا
مرکزی ده مالیې وزارت په وینا، غونډه به د ۱۱م این ایف سي ایوارډ د بحث په اړه د عمومي خبرو اترو له پیل سره شروع شي، چې پکې د موضوعاتي فرعي کمېټو جوړول شامل دي
ورپسې به هره صوبه او وفاق ۱۰ دقیقې وړاندې اجازه ورکول کیږی څو خپل مالي وضعیت تشریح کړي. وروسته به د راتلونکو این ایف سي غونډو مهال ویش هم وټاکل شي، چې تمه ده په ټولو مرکزي او صوبايي مرکزونو کې ترسره شي
۱۱م این ایف سي چې د اګست په ۲۲مه جوړ شوی، د آرټیکل ۱۶۰ له مخې د پنځو لویو مرکزی مالیاتي ګټو ته پام لرنه کیږی
د خیبر پښتونخوا ویاند شفیع جان وویلی چې صوبه به په غونډه کې مهم مالي مطالبات وړاندې کړي
د نفوس، رقبې او ضم شويو سیمو له زیاتوالي سره سم دخیبرپښتونخوا د این ایف سي ونډې زیاتول ،د پن بجلي ګټو د پاتې پیسو سمدستي اجرا، د ضم شويو قبایلي سیمو لپاره د وفاق هغه کلنۍ ۱۰۰ اربه روپۍ ژمنه چې لا هم نه ده عملي شوې د ترهګرۍ ضد جګړې لپاره د لا زیاتو فنډونو غوښتنه وکړي، دا ځکه چې صوبه د امنیت په میدان کې په لومړۍ کرښه ولاړه ده
شفیع جان وویل چې وفاق لوري خیبرپښتونخوا ته ۳.۵ زره اربه روپۍ پاتې دي، چې دا بقايا جات د صوبې د مالي ثبات لپاره “حیاتي ارزښت” لري
د این ایف سي د اوسنيې فارمولې په اړه اندېښنې
د خیبر پښتونخوا ویاند په وینا، اوسنی این ایف سي عملاً “د درې نيم صوبو ترمنځ وېشل کېږي”، چې د آئین د روح خلاف دی او خیبرپښتونخوا په ځانګړې توګه د ضم شويو سیمو تر ادغام وروسته زیانمنوي، هغه ټینګار وکړ چې د صوبې امنیتي بار او د نفوس بدلون باید په نوې ونډه کې ښکاره شي
شفیع جان خبرداری ورکړ چې د وفاق له لوري د فنډونو په نه ورکولو سره د ضم شويو سیمو امنیتي وضعه نوره هم خرابېږي او سیمې د محرومیت له امله له نویو ستونزو سره مخ دي
ده وویل چې د خیبرپښتونخوا حکومت او اپوزېشن دواړه په دې موضوع یو موټی دي، او د صوبې پر مالي حقونو ی هېڅ ډول اختلاف نشته