Skip to content 
اسلاماباد : پاکستاني څېړونکي وایي د افغانستان د ترانسپورټ او هوانوردۍ د مرستیال وزیر او د طالبانو د پخواني مشر ملا اختر محمد منصور د زوی، فتحالله منصور، وروستۍ څرګندونې هم بېبنسټه دي او هم “غیرذمّهوارانه” ګڼل کېږي، ځکه له واقعي حالاتو سره هېڅ ډول سمون نه لري
فتحالله منصور په یوه ویډیو پیغام کې ادعا وکړه چې په یو ګاونډي هېواد کې “شریر عناصر” هڅه کوي طالبان کمزوري کړي او باید له منځه یووړل شي. دغه څرګندونې په پراخه کچه د پاکستان په لوري د اشارې په توګه تعبیر شوې دي
د طالبانو د مشرتابه اطاعت او پر ګاونډي هېواد نیوکه
منصور په خپل بیان کې ټینګار کړی چې د طالبانو د مشرتابه بشپړ اطاعت د افغانستان د ثبات لپاره اړین دی او ادعا یې کړې چې د یوه ګاونډي هېواد ځینې کړۍ د ګډوډۍ رامنځته کولو هڅې کوي، هغه دا هم ویلي چې طالبان به هېڅکله داسې هڅې ونه زغمي
اسلاماباد: څرګندونې “بېبنسټه او غیرمسؤلانه” دي
که څه هم پاکستان تر اوسه رسمي اعلامیه نه ده خپره کړې، خو ډیپلوماټیکې سرچینې وايي اسلاماباد د فتحالله منصور تورونه
“بېبنسټه، غیرذمّهوارانه او د حقایقو خلاف” بولي
سرچینې زیاتوي چې پاکستان په تېرو شلو کلونو کې د ترهګرۍ پر ضد جګړه کې سترې قربانۍ ورکړي، خو په بدل کې افغان خاوره څو ځل د پاکستان پر ضد د بریدونو لپاره کارول شوې ، او شواهد یې له کابل سره هم شریک شوي دي.
پاکستاني چارواکي د وروستیو سرحدي بریدونو د زیاتوالي په اړه اندېښنه څرګندوي او وایي د دې وضعیت ذمّه واري د طالبانو پر رژیم راځي، خو طالبان دغه تورونه ردوي.
د اړیکو د ښه کېدو لپاره همکاري اړینه ده
سفارتي شنونکي وایي د سیمې ثبات د ګډې همکارۍ، د استخباراتي معلوماتو تبادلې، د پولو د مدیریت او عملي امنیتي ګامونو په اساس ټینګېږي، نه د هغو څرګندونو په وسیله چې د اړیکو خرابېدو ته لاره هواروي
شنونکو خبرداری ورکړی چې د پاکستان او افغانستان اړیکې لا هم نازکې دي، او د دې ډول ادعاوو دوام کولی شي وضعیت نور هم خراب کړي او د اعتماد فضا زیانمنه کړي
څیړونکی وایي د وړاندی څخه د پاکستان او افغانستان ترمنځ تاو تریخ والې نور هم زیات شوې دې او ترهګریز بریدونه هم زیات شوي دي، پاکستان وایی په خیبر پښتونخوا او بلوچستان کی روان ترهګریز بریدونو دپاره د افغانستان خاوره کارولی کیږی خو افغانستان دا ادعاوې رده وی او له دې انکار کوي چې د افغانستان خاوره د پاکستان پر ضد کارول کیږي
خو د پاکستاني امنیتي چارواکو ترمخه دوی افغان چارواکو مخې ته داسې شواهد او ثبوته وړاندې ایښودي چې ښایی د افغانستان خاوره د پاکستان پر ضد کارول کیږي
