شمالي وزيرستان کې د امنيتي ځواکونو په دوو جلا پرېکنده عملياتو کې د هند له لوري ملاتړ کېدونکي وسلهوالې ډلې فتنه الخوارج اووه ۷ غړي وژل شوي دي
د پاک پوځ د عامه اړيکو څانګې آی اېس پی آر لوري خپاره شوو معلوماتو له مخې، دغه اووه ترهګر د دوو بېلابېلو عملياتو پر مهال له منځه وړل شوي دي
د پاکستان ویاندې ادارې آی اېس پی آر ویلي دي چې د مير علي سيمه کې د خوارجو د شتون په اړه د کره استخباراتي معلوماتو تر لاسه کېدو وروسته د پاکستان امنیتي ځواکونو عمليات پيل کړل او ځواکونو د ترهګرو پټنځايونه هدف وګرځول او له منځه یوړل
د راپور له مخې، په مير علي کې د سختې نښتې په ترڅ کې شپږ۶ خوارج ووژل شول، بل لور ته، د سپين وام په سیمه کې د امنيتي ځواکونو په یوه بله کارروايي کې يو بل خوارج هم له منځه وړل شوی دی
آی اېس پی آر زیاتوي چې له وژل شويو وسلهوالو څخه وسلې او مهمات ترلاسه شوي دي، او وژل شوي کسان د امنيتي ځواکونو او عامو خلکو پر ضد په ګڼ شمېر ترهګریزو پېښو کې ککړ وو چې وس ترې سیمه پاکه کړې شوه
د پوځ په وینا، په سیمه کې د نورو هند-ملاتړ لرونکو خوارجو د له منځه وړلو لپاره د کلیئرنس عملیات روان دي، په بیان کې د پوځ ویاند زیاته کړه چې په هیواد کې د بهرني ملاتړ ترلاسه کوونکي ترهګري به په کلکه له منځه يووړل شي او ترهګرو له به سخت ځواب ورکړل شی ترڅو ترهګري له جرړو اوباسي
مهمه ده چې یادونه وشی چې پرون په بنو کې د اسسټنټ کمشنرشمالي وزیرستان شاه ولي په ګاړي هم برید وشو چې په پایله کې نوموړې شهید شو او ورسره دوه نور پولیس اهلکار هم شهیدان شول
نورخبرونه: بنو کې د شمالي وزیرستان اسسټنټ کمشنر پر قافله برید: اسسټنټ کمشنر او دوه پولیس اهلکار شهیدان شوي