سعودي عربستان کې د افغانستان او پاکستان ترمنځ خبری اتري ناکامه شوي

اسلام آباد: د افغانستان او پاکستان د لوړپوړو پلاوو ترمنځ د ریاض د خبرو لومړی پړاو د لنډو خبرو اترو له امله بې‌له کوم عملي پرمختګ پای ته رسېدلی

د باوري سرچینو د معلوماتو له مخې افغان سرچینو تایید کړې چې نن د ګل په  ورځ ناسته یوازې شاوخوا دېرش دقیقې روانه وه او په دغه موده کې دواړو لوریو محدوده خبرې وکړې او وروسته یې د غونډې پای اعلان کړه

د اسلامي امارت شپږ کسیز پلاوې  او د پاکستان پنځه کسیزه ډلو د خبرو جزییات له رسنیو سره نه دي شریک کړي

 نږدې سرچینې وایي چې د ناستې فضا تر یوې اندازې ترخه شوه او د مثبت او جوړونکي بحث امکان یې کم کړ. دغه خبرې د سعودي عربستان په منځګړیتوب په داسې وخت کې راجوړې شوې وې چې د کابل او اسلام‌اباد ترمنځ سرحدي ترینګلتیا او سیاسي کړکېچ مخ په زیاتېدو دې

باید یادونه وشی چې افغان پلاوی یوه ورځ مخکې ریاض ته رسېدلی و او هلته یې عمره هم ادا کړې وه. د پاکستاني چارواکو سره تر لنډې کتنې وروسته ویلی کیږی افغانستان پلاوي   بېرته ستنېدو تیاری نیسي

که څه هم په لومړي پړاو کې پرمختګ و نه شو، خو دواړه لوري او منځګړي هېوادونه تمه لري چې راتلونکو غونډو کې به د ترینګلتیا د کمولو او د منظم تعامل د پیل لپاره هڅې دوام داره اوساتی

ددی وړاندی د پاکستان او افغانستان ترمنځه  په دوحه او ترکیه کی مذاکرات شوی وو خو د چارواکو ترمخه د افغان پلاوي د ترهګرو پر ضد اقدام په اړه لیکلې ژمنه نه کولو وروسته دا خبرې پرته له کومې مثبتې پایلې سرته ورسیدل

نورخبرونه

د پاکستان او افغان طالبانو ترمنځه استنبول مذاکرات بې‌پایلې پای ته رسېدلي

پاکستان او افغانستان ترمنځ استنبول کې مذاکرات کامیاب شوي

نن په استنبول کې یوځل بیا د پاکستان او افغان طالبانو ترمنځ خبرې کیږي

د کابل داخلي ګډوډۍ د استنبول مذاکرات ناکام کړل