د استنبول مذاکراتو د ناکامۍ تور پر پاکستاني سفارتکارۍ اچول، مناسب نه دې ځکه چې دا مذاکرت د افغان طالبانو بشپړ واک نه لرلو له امله بغیر د څه پایلې ختم شول، د سرچینو د معلوماتو له مخې، د مذاکراتو د ناکامۍ بنسټیز علت د افغانستان داخلي اختلافات او د امریکا د ضمانت د غیرضروري غوښتنې مسئله وه
د مذاکراتو له پیل سره سم څرګنده شوه چې د افغان طالبانو پلاوی بشپړ واک نه لري، بلکې له قندهار، کابل او خوست څخه ورته بېلابېلې لارښوونې ورکول کېږي.عیني شاهدان وایي چې د پلاوي هر غړی له جلا مرکزونو څخه هدایات ترلاسه کول، او کله ناکله یې د مذاکراتي خونې نه بهر د اړیکو له امله پر پخوانیو پرېکړو هم انکار کاوه.دغه کړنې د متقابل اعتماد فضا زیانمنه کړه او د پرمختګ امکانات یې محدود کړل
مذاکراتو کې یو مهم پړاو هغه وخت رامنځته شو چې د تحریک طالبان پاکستان پر ضد د اقداماتو په اړه د لیکلې ژمنې خبره نږدې حل ته رسېدله خو له قندهار څخه د یوې نوې لارښوونې په ترلاسه کېدو سره، طالبانو ناڅاپه غوښتنه وکړه چې په دې تړون کې دې امریکا د ضامن په توګه شامل شي
دلته باید یادونه وشي چې دا غوښتنه نه د ایجنډا برخه وه او نه هم پخوانیو مذاکراتو کې د بحث لاندې راغلې وه، دغه ناڅاپي اقدام نه یوازې د منځګړو بلکې د ټولو ګډونوالو لپاره د حیرانتیا سبب شو
د منځګړو د ارزونې له مخې، د طالبانو دا دریځ د امنیت پر ځای د مالي ګټو د ترلاسه کولو لپاره و. د دوی هڅه دا وه چې دوه اړخیز تړون په درې اړخیز تړون بدل کړي چې پکې امریکا هم شامله وي، څو د هغې له لارې د مالي مرستو دروازې بېرته پرانېستل شي.دا عمل د مذاکراتو اساسي هدف له منځه یووړ او ټول تمرکز یې له سولې څخه پر مالي ګټو واړاوه
په خبرو اترو کې څو ځله هوکړې ته رسیدلي ټکي بېرته د بیا کتنې یا ځنډولو لاندې راغلل.که څه هم ظاهراً مذاکرات روان وو، خو په عملي توګه د موافقې فضا قصداً خنډ شوې.
ماهرینو د طالبانو د دې چلند علت د حکومت دننه سیاسي شخړې او د انفرادي مفاداتو سیالي بللې ده
منځګړو هیوادونو په شخصي توګه پر درې ټکو اتفاق کړی دی، د پاکستان غوښتنې د نړیوالو معیارونو مطابق او جواز لرونکې وې. د افغان پلاوي ناکامي د فني یا تخنیکي ستونزو له امله نه، بلکې د داخلي اختلافاتو پایله وه او د کابل یو اغېزناک سیاسي ډلې غوښتل چې دا مسئله واشنګټن ته یوسي او د مرستو د بیا پیل هڅې وکړي
دلته مهمه ده او باید یو ځل بیا یادونه وشی چې د اسنتبول مذاکراتو ناکامي د پاکستان سفارتي کومه ستونزه یا ناکامي نه ده بلکي د افغان طالبانو داخلي ستونزه ده چې ددوی پلاوې د بهر څخه کنټرولیدل او ددوی پلاوي غړو به له بهر څخه لارښوونه اخستل کوم چې د خبرو اترو د ناکامۍ لامل شو
نورخبرونه
داسې ښکاري چې طالبان د بل چا په ایجنډا عمل کوي
دوحه مذاکرات: کله چې یو لوري ځواک وکارول شی نو بیا ډیپلو میسي کارکوي: کارپوهان