ډي ایی خان: ډیره اسماعیل خان د کلاچي تحصیل په سیمه کې د امنیتي ځواکونو پر موټر د ناپېژاندو کسانو له خوا ښخ کړل شوي ماین چاودنه شوې ده۔د چاودنې زور ډېر شدید و چې په نتیجه کې د امنیتي ځواکونو ۳ زړور سرتیري شهیدان او ۲ نور سرتیري ټپیان شول
سرچینو ویلي دي چې په شهیدانو کې حوالدار صدام ، سپاهي عرفان او سپاهي عابد شهید شامل دي او ټپیانو کې مېجر حیدر ،سپاهي مبشر شامل دي
د پېښې وروسته امنیتي ځواکونو سیمه محاصره کړې او د لټون عملیات پیل شوي دي
د شهیدانو مړي نږدې روغتون ته لېږدول شوي او ټپیانو ته بیړنۍ طبي مرستې ورکول کېږي
د امنیتي چارواکو په وینا په سیمه کې د لټون عملیات دوام لري، دا باید یادونه وشی چې به یاده سیمه کې د امنیتي ځواکونو د فتنه الهندوستان خوارجو پر ضد اپریشن کې تراوسه ګڼ شمیر ترهګر له منځه وړل شوي دي
نورخبرونه: ډیره اسماعیل خان کې ترهګرو د ایف سي ځواک یو اهلکار شهید کړې