اسلام آباد: د پاکستان مرستیال وزيراعظم او د بهرنيو چارو وزير اسحاق ډار ویلي چې افغانستان ته د خپل سفر پر مهال د افغان بهرنيو چارو وزير امیر متقي ورته ويلي وو چې د کالعدم تحريک طالبان پاکستان ځینې کسان يې نيولي، خو پاکستان پرې ټينګار کړې وو او افغان چارواکو ته ی دا خبره واضحه کړې وه چې يوازې د څو سو کسانو نيول نه بلکې د ټولو اړوند ټي ټي پي کسانو نیول اړین دي او ددوي پر ضد سخت اقدام ضروري دي خو افغان حکومت تراوسه دا کار ونه کړو
اسحاق ډار د اسلام آباد په خبري غونډه کې د خپلو وروستيو نړيوالو سفرونو په اړه رسنیو سره خبرو اترو کې او وویل چې د ماسکو، بحرين او برسلز سفرونو پر مهال یې د پاکستان اقتصادي ترجيحات، سیمه ییز اتصال، د انرژۍ همکاري او ولسي پرمختګ د پاکستان د بهرنۍ تګلارې اصلي محور بللی دی
د هغه په وینا، یورپي اتحادیې ته یې واضح کړه چې افغانستان د ترهګرۍ ضد ژمنې نه دي پوره کړي. اسحاق ډار زیاته کړه چې
“ امیر متقي راته وویل چې دوی د ټي ټي پي ځینې کسان نیولي، خو موږ ورته وویل چې یوازې د څو سو کسانو نیول کافي نه دي. زموږ غوښتنه یوازې دا ده چې افغان خاوره د پاکستان پر ضد د ترهګرۍ لپاره ونه کارول شي
وزیر خارجه وویل چې اسلامآباد له کابل څخه غوښتنه کړې چې د کالعدم ټي ټي پي وسله وال د پاک افغان پولې څخه لرې کړي او یا پاکستان ته وسپاري
هغه زیاته کړه چې پاکستان له خپلې خوا افغان حکومت سره شوي ژمنې پوره کړې او د یو ښه نیتپر بنسټ اقدامات یې کړي، خو له بده مرغه له افغانستانه د ترهګرۍ د مخنیوي په برخه کې پرمختګ نه دی شوی او وضعیت لا خراب شوی
پاکستان لوري افغانستان په اړه مهمه پریکړه نن اعلانیږي
د پاکستان مرستیال وزیراعظم او وزیر خارجه اسحاق ډار اوویل وویل چې ملګرو ملتونو غوښتنه کړې چې افغانستان ته انساني مرستې له پاکستان لارې واستوي، نوموړي اوویل او ټینګار ی وکړوه چې نن یکشنبه په ورځ د ملګرو ملتونو لوري افغانستان ته د خوراک او بشري مرستو په اړه پرېکړه اعلان شي
اسحاق ډار په څرګندو ټکو وویل چې موږ د افغانستان ستونزه په زور حل کولای شو، خو نه غواړو چې خپل ورور کور ته په ور ننوتلو سره تاوان ورسوو. که موږ هند ته د سبق ورکولو وړتیا لرو، نو دا هېڅ لوی کار نه دې ، زیاته ی کړه او ټینګار ی وکړو چې موږ د یو خپل مسلمان ورور سره جګړه نه غواړو
هغه ټینګار وکړ چې د افغان طالبانو حکومت باید خپله تګلاره بیا وڅېړي او دې ته کتنه وکړه ځکه چې د دوی په دننه کې نیمایي د سولې پلویان او نیمایي د هغوی برعکس دریځ لري او د افغان طالبانو پر ضد دي
دا هم باید یادونه وشي چې پاکستان په دوحه مذاکراتو او بیا د استنبول په مذاکراتو کې له افغان طالبانو غوښتي وو چې دوی سره لیکلې ژمنه وکړي چې د افغانستان خاوره به د پاکستان پر ضد نه کارول کیږي خو افغان چارواکو لیکلې ژمنه کولو څخه انکار وکړو او هم دا ی لامل دې چې د استنبول خبرې پرته له کومې مثبتې پایلې پای ته ورسیدلې
نورخبرونه: آی اېس پي آر: افغان ځواکونه د ترهګرو داخلېدو لپاره پر پاکستاني پوستو ډزې کوي