د امريکا د عدليې وزارت اعلان کړی چې د القاعده د هند برصغیر د څانګې د مشر اسامه محمود د نيولو يا د هغه د ځایپرځای کېدو د معلوماتو په بدل کې به تر ۱۰ ميليونه ډالرو انعام ورکوي. اسامه محمود چې د عطاالله، زر ولي او ابو زر په نومونو هم پېژندل کېږي، اصلًا د پاکستان دی او باور کېږي چې دا مهال په افغانستان کې فعال دی
اسامه محمود هغه وخت د القاعده په لیکو کې مطرح شو، چې د دې شبکې پخواني مشر عاصم عمر هغه د ډلې وياند او وروسته د هند د نيمې وچې څانګې مشر وټاکه. نوموړی وړاندې هم د القاعده د رسنیز څانګې “السحاب” له لوري پر نشر شويو موادو کې ښکاره شوی و
د القاعده د هند نيمه وچه څانګه د افغانستان، بنګلهدېش، برما، هند او پاکستان تر منځ د جهادي شبکو د همغږۍ مسوولیت لري. دې ډلې د ګڼو بریدونو پړه منلې
په ۲۰۱۵ کال د فبرورۍ ۲۶ نېټه په ډهاکه کې د کتاب نندارتون پر مهال پر امريکايي ليکوال روي او د هغه پر مېرمن رافيده بونیا احمد چاقو برید. روي وژل شوی و او رافیده سخته ټپي شوې وه
په ۲۰۱6 کال د اپرېل ۲۶ نېټه د یوایس ایډ کارکوونکي ظلحق منان او د هغه د ملګري وژل کېدل، چې د بنګلهدېش په پلازمېنه کې ترسره شوي وو
امريکا په ۲۰۱۶ کال کې د القاعده د هند نيمه وچه څانګه د بهرنیو ترهګریزو ډلو په لېست کې شامله کړه. اسامه محمود بیا د ۲۰۲۲ کال د نومبر په ۳۰ نېټه د نړیوالو ځانګړو ترهګرو په نوم لېست کې شامل شو
له دې اقدام وروسته، د محمود ټولې شتمنۍ چې د امریکا په قضايي واک کې دي کنګل شوې او د امریکا اتباعو ته ورسره هر ډول مالي یا مادي تعامل منع دی. همداراز د نوموړي يا د هغه د شبکې ملاتړ کول د امریکا په قانون کې د سزا وړ عمل دی
امریکايي چارواکي له خلکو غواړي چې که د اسامه محمود د فعالیتونو یا ځای په اړه کوم معلومات ولري، نو د عدليې وزارت د انعامي پروګرام له لارې یې ورسره شریک کړي څو د ترهګرۍ پر ضد ګډو نړیوالو هڅو لپاره مرسته وشي
نورخبرونه: د پاکستان بریا په نړیوال کچ اومنل شوه : امریکا تاید کړې چې پاکستان هند ته ماتې ورکړې