د پښتنو په اړه دا مشهوره خبره ده چې دا قام یو ډیر زړه ور، بهادر او غیرتمند قسم خلک دي، ددې قام د غیرت او ننګ خبرې او کیسې په تاریخ کې کې د کانړي کرښې دي خو ددوې ننګ او غیرت پر ضد نن سبا د هندي فلمونو په شکل کې د درواغو پروپاګنډ کیږي چې پښتانه بدنام کړي او نړۍ ته ی یو بد شکل ورښکاره کړي خو نمر په ګوته نه پټیږي
په تېرو څو لسیزو کې د پښتنو په اړه د تاوتریخوالي، قبایليت، جاهیلت او وروسته پاتې والي منفي تاثر د نړیوالو رسنیو، فلمونو او سیمه ییزو سیاسي کړیو له لوري په شعوري توګه دود شوی. د دې کاذبو کلیشو موخه یوازې د یوې ټولنې سپکول نه وو، بلکې د هغې تاریخي وقار، سیاسي دریځ او ټولنیز جوړښت کمزوري کول هم دي
خو اوس هندي رسنۍ د دې زړې پروپاګنډ له چوکاټ څخه یو نوی خطرناک پاو پیلوي، او هغه دې د پښتنو د غیرتي ښځینه وګړو څخه “ښځینه پښتنې ترهګرې” جوړول.
دا د یوې رسنۍ ساده سرخط نه دی؛ بلکې یو فکري او رواني برید دی، چې په مستقیم ډول د پښتني کلتور د عزت، عفت او کورنۍ محرمو ارزښتونو نښه ګرځوي.
ولې دا پروپیګنډه په پښتني ټولنه کې تر هر څه ژوره ضربه وهي؟
پښتني ټولنه د ښځې مقام ته ځانګړی درناوی لري او ناموس ، چې په خپله د ښځې پر خونديتوب او عزت ولاړ دی ـ ښځه د قبیلو او سیمو تر منځ د ټولنیز تشخص اساسي برخه ده
نو کله چې هندي رسنۍ د یوې خیالي یا جوړې شوې کیسې په بڼه د طالبې ښځینه ترهګرې تصویر خوروي، موخه یوازې سیاسي تبلیغ نه وي ، بلکې ددوی موخه کورنۍ، قبیلې ته سپکاوی ، د سیمې او ټول قام سپکاوې وي
دا د بدنامۍ هغه وسیله ده چې د ولس د اجتماعي عزت ملا ته د ماتې ورکولو لپاره کارول کېږي.
هند ولې په دې مرحله کې دې پروپاګنډ ته مخه کړې؟
شنونکي وایي چې د افغانستان او سیمې په ورستیو ژیوپولیټیک تحولاتو کې د پښتنو رول د هند د ستراتیژیکو اهدافو ضد تمامېږي. نو د رسنیو له لارې د پښتني سیمې منفي برانډ کول د یوې لویې سیاسي لوبې برخه ده
که د تاریخ پاڼې وکتل شي نو احمد شاه ابدالي چې د نوي ډیلي تخت قبضه کړو ،نو د هغې شاته هم دا کیسه پرته وه چې د هندوستان مسلمانانو هغوی ته دعوت ورکړې و چې دوی د مرهټیانو د ظلمونو څخه خلاص کړې او په هندوستان دې برید وکړي، احمد شاه ابدالي هم داسې وکړل
د پاني پت په درېیم جنګ کې احمد شاه ابدالي د مرهټیانو امپراتورۍ ځواکمن پوځ ته ستر شکست ورکړی و، د احمد شاه ابدالي او مرهټیانو پوځ ترمنځ دا جنګ په ۱۴ جنوري ۱۷۶۱ کې د هندوستان په پاني پت په هریانه سیمه کې شوې و ، د ابدالي لښکر رهبر احمد شاه ابدالي دراني وو او د د مرهټه لښکر رهبر ساداشیوراؤ باهو او ویشنوراؤ
د جګړې پایله
احمد شاه ابدالي په دې تاریخي جګړه کې د مرهټو ځواکمن پوځ په بشپړه توګه مات کړ او د هغوی د پراختیا یا امپراتورۍ د ختمېدو پیل یې وکړ.
د پاني پت جګړې اهمیت
د هندوستان په تاریخ کې د پاني پت جنګ ډیر لوی اهمیت دې ځکه دا د تاریخ له لویو او وینو ډکو جګړو څخه ګڼل کېږي. په دې جګړه کې د ابدالي بریا د مرهټا امپراتورۍ ځواک سخت کمزوری کړ او د دوی د زوال لړۍ یې پیل کړه.
هندي رسنۍ او فلم انډسټري د پښتنو غلط انځور وړاندې کوي
په نړۍ کې د پښتنو تاریخ د بریاو ډک لیکل شوې دې ، که د متحده سوویت یونین ماتېدلو ته نظر وکړو نو هم دا پښتانه وو چې د روس پر ضد ودریدل، لس کاله کم او زیات جګړه ی وکړه او روس له افغانستان څخه په تللو مجبور شو او له افغانستان څخه وتلو روسته روس دومره کمزورې شوې وو چې د منځنۍ آسیا هیوادونو تر جلا شول ،مقصد دا چې وس متحده سوویت یونین ټوټې شو
خو له دې بریاو پرته هند حکومت، د هند رسني او فلم انډسټري د پښتنو غلط تصویر نړۍ ته ورښکاره کوي ، هم دا وس یو هندي فلم مارکیټ ته راغلې دې ، دهرندرا ، په دې فلم کې پښتانه د ترهګرو په څیر ښکاره کړې شوي دي، په دې فلم کې یوه پښتنه ښځه د ځانمرګي بریدګرې په توګه وړاندې شوې ده
که وکتل شی نو هند غواړي له دې فلم له لارې نړۍ ته وښایی چې پښتانه ترهګر دي او د پښتنو یو غلط انځور نړۍ ته وروښایی خو په حقیقت کې داسې نه ده ځکه په پاکستان کې له ۴ کروړه زیات پښتانه ژوند کوې خو دوی هیڅ کله هم د ترهګرۍ ملاتړ نه دې کړې او په امن او خوشحالۍ سره په پاکستان کې ژوند کوي ،له دې پرته په افغانستان کې له پاکستانه کم پښتانه ژوند کوي، په پاکستان کې پښتانه ښه معیاري ژوند تیروي خو که پاکستان کې د پښتنو ژوند ته وکتل شی نو د په افغانستان کې د پښتنو ژوند دومر ارامه نه دې څومره اسانتیاوې چې پښتنو ته په پاکستان کې حاصلې دي
کله چې دښمن د پښتون پر مېړانه برلاسی نه شي، د هغه پر عزت برید کوي – او نن همدا لوبه ځینې هندي رسنۍ کوي د هند وروستۍ فلم چې د کراچي د لیاري سیمې ناسم انځور وړاندې کوي، دهرندار نومېږي.
په دی نوي فلم کی پښتنه ښځه د یو ترهګرې او ځانمرګي بریدګرې په څیر ښودلی شوی. دا وړومبی ځل نه دی ددی وړاندی هم هند داسی فلمونه جوړ کړی چی پکی د پولی دواړو اړخونو ته پښتانه د ترهګر او بیا په د منفی انداز ښودل شوی
هند ولې د پښتنو پر ضد دې پروپاګنډ ته مخه کړې؟
شنونکي وایي چې د افغانستان او سیمې په ورستیو جیوپولیټیک کې د پښتنو رول د هند د ستراتیژیکو اهدافو پر ضد تمامېږي. نو د رسنیو له لارې د پښتني سیمې منفي مخ نړۍ ته ورښکاره کول د یوې لویې سیاسي او سازشي لوبې برخه ده او غواړي دوی هم دې لارې پښتانه بدنام کړي او یو غلط انځور ی نړۍ ته ورښکاره کړي
هند غواړي پښتانه په اتفاق نه شي، هند غواړي پښتانه ددوی پر ضد هغسې د احمدشاه ابدالي په څیر په هند د بریدونو تابیا و نه کړي نو ځکه دوی وس د پښتنو پر ضد داسې د درواغو تبلیغات کوي ، د پښتنو د غلط انځور فلمونو ترتیبوي او جوړوي چې نړۍ ی ته ی غلط انځور ورښکاره کړي او پښتانه بدنام کړي
د پښتون د عزت ماتول د هغه له مقاومت ماتولو سره برابر ګڼل کېږي نو ځکه د پوځ، سیاست او مذهب ترڅنګ اوس د پښتنې ښځې کردار د پروپاګنډ د نوي هدف په توګه کارول کېږي
د پښتنو د بدنامولو دا پروپاګنډ یوازې د رسنیو لوبه نه ده؛ دا د جغرافیې، سیاست او رواني جګړې برخه ده.سیمه ییزې رسنۍ، پوهان، مدني فعالان او ټولنیز مشران باید د دې پروپاګنډ څپه بېپرده کړي، ځکه دا جګړه یوازې د سرحدونو جګړه نه ده بلکې دا جګړه وس د روایتونو او ذهنونو ده