دوبۍ اېرشو کې د هند ټیجس جنګي الوتکه سقوط شوه -پایلټ په ځایی مړ شوی

دوبۍ: د هندوستان جوړه ټیجس جنګي الوتکه د جمعې په ورځ د دوبۍ اېرشو پر مهال د  مظاهرې په توګه الوت  په جریان کې راولوېدله او وسوځیدله

  دا پېښه د مازدیګر شاوخوا ۲:۱۰ بجې هغه وخت رامنځته شوه چې الوتکې د ایروبېټک سټنټ ترسره کولو هڅه کوله. د سقوط له ځایه د تور لوګي ستنې پورته شوې او لیدونکو کې سخت وارخطايي خپره شوه

 د پیښی وروستو  د بیړنی حالاتو مرستندویه ټیمونو ډلې په څو دقیقو کې د پېښې ځای ته ورسېدې. د هند هوايي ځواک د خپلې کورنۍ جوړې شوې جنګي الوتکې د تباه کېدو تصدیق کړی دی.

تر اوسه چارواکو د الوتکې د عملې د وضعیت په اړه لا هم معلومات راټولېږي.

پلټنیزې ډلې ارزونه کوي چې ایا پېښه د تخنیکي خرابۍ له امله رامنځته شوې ، هغه ستونزه چې د تیجس پروګرام ورسره له پخوا مخ دی او که د پایلټ د انساني تېروتنې نتیجه وي. د هند رسنیو په وینا، تباه شوې الوتکه له ۲۰۱۶ کال راهیسې په سروس کې وه.

یوازې څو ورځې وړاندې د دوبۍ اېرشو یوه بله ویډیو وایرله شوې وه چې په کې د تیجس الوتکې له فیول ټانک څخه د تېلو د لیک کېدو خبرونه راغلی وو چی د پرواز پر مهال ښکاره شوې وه، او دې کار د الوتکې د باور وړتیا په اړه نورې پوښتنې راولاړې کړې وې.

د دوبۍ اېرشو ایروبېټک نندارې چې د لیدونکو تر ټولو خوښ شوی پروګرام دی، د پېښې وروسته ودرول شو

د اماراتو د هوايي چلند چارواکي د پېښې په اړه بشپړه پلټنه کوي، او نور معلومات به د ژغورنې او ارزونې له روانو عملیاتو سره سم رسماً اعلان شي دوبۍ اېرشو د نړۍ له سترو هوايي نندارتونونو څخه ګڼل کېږي چې پکې پوځي الوتکې، تجارتي هوايي ټکنالوژي او نړیوالې دفاعي نندارې وړاندې کېږي

نورخبرونه: پاکستاني پیلوټانو دوبۍ  ایر شو کې هندي پیلوټانو ته د چای څښلو وړاندیز