اقوام متحدہ کې د ډنمارک اندېښنه: د افغانستان له خاورې د ټي تي پي زیاتېدونکي ګواښونه د سیمې ثبات ته خطر جوړوي

نیویارک :  ډنمارک په ملګرو ملتونو کې د پاکستان پر ضد فعالیتونو کې ښکېل د تحریک طالبان پاکستان  د پراخېدونکي ګواښ په اړه ژوره اندېښنه څرګنده کړې ده. د ډنمارک استازې، سفیرې کرسټینا مارکس لسن، د عمومي اسمبلې غونډې ته په وینا کې وویل چې نږدې ۶ زره ټي ټي پي  وسله‌وال د افغانستان له خاورې څخه عملیات ترسره کوي چې د ټولې سیمې د بې‌ثباتۍ سبب ګرځي

سفیرې په خپله وینا کې څرګنده کړه چې د طالبانو حکومت د ټي ټي پي  له ډلې سره لوژستیکي مرسته او اسانتیاوې شریکوي، چې له امله یې په سیمه کې د ترهګرۍ خطر نور هم زیات شوی دی. د هغې په وینا، یادې ډلې د افغان خاورې په کارولو سره په پاکستان کې ګڼ بریدونه ترسره کړي چې د بې‌شمېرو قیمتي ژوندونو ضایعات یې رامنځته کړي او د سیمې د سولې او ثبات په اړه یې جدي پوښتنې راپورته کړې دي

سفیرې مارکس لسن له نړیوالې ټولنې وغوښتل چې د دې لوړېدونکي ګواښ په اړه جدي اقدام وکړي او له ګډو هڅو سره د هغو محفوظ پټنځایونو د له‌منځه وړلو لپاره کار وکړي چې په افغانستان کې د وسله‌والو ډلو په واک کې دي

دغه څرګندونې په داسې مهال کېږي چې پاکستان په وار وار د  ټي ټي پي له لوري د سرحدي بریدونو، د افغان خاورې د کارېدو او د طالبانو د نه همکارۍ په اړه اندېښنې شریکې کړي دي.

مهمه ده چې یادونه وشي چې په کال ۲۰۲۰  کی د امریکا او افغان طالبانو ترمنځه د دوحه په تړون کی دا پریکړه شوی وه چی د افغانستان خاوره به د کوم بل هېواد په ضد نه کارولی کیږی

پاکستان وایي په وروستو کی په جنوبی وزیرستان او پلازمینه اسلام اباد کې د ترهګر بریدونو اړیکی افغانستان سره میلاویږی او د پلټنو وروستو افغان سهولت کار او د ځان وژونکو ملګری ی ګرفتار کړی او هغوی خپل جرم هم منلی دی خو افغانستان ددی څخه انکار کوی

د افغانستان سره په پوله خیبر پښتونخوا او بلوچستان امنیتی وضیعت خراب دی او پاکستان دعوی کوی چی په دی کی د افغانستان په خاوره هند هم ککړ دی

نورخبرونه: افغانستان کې امن او ثبات د سیمې امن او ثبات لپاره اړین دې: شوکت میرضیایف