کابل: په داسې وخت کې چې د افغانستان د سوداګرۍ او صنعت وزیر نورالدین عزیزي د هند پر سفر تللې چې د هند او افغانستان په اقتصادي پرمختګ خبرې او ژمنې وکړي د افغانستان په واخان دهلېز کې د سړک د جوړولو چارې په چټکۍ سره روانې دي
مهمه ده چې یادونه وشی چې د واخان کوریډور له مخه به افغانستان د لومړي ځل لپاره په مستقیم ډول له چین سره ونښلول شي . چارواکي وایي، د دې نوې ترانزیټي لارې په فعالېدو سره به هېواد د نړیوالو سوداګریزو لارو مهم مرکز شي او افغانستان به د لوی اقتصادي پرمختګ په لور په عملي توګه مزل وکړي
د اقتصادي چارو شنونکي باور لري چې د واخان دهلېز د پرانیستلو وروسته به د چین ـ منځنۍ اسیا او د سویلي آسیا ترمنځ د مالونو لېږد لپاره یوه لنډه، ارزانه او خوندي لاره رامنځته شي. د دې مسیر له لارې تمه کېږي چې افغانستان به هر کال میلیاردونه ډالر عواید ترلاسه کړي.
د افغانستان اړوند ادارې چارواکو ترمخه اوس مهال د سړک جوړولو چارې له پلان سره سم پر مخ روانې دي او مسؤلین ډاډ څرګندوي چې پروژه به په ټاکلي وخت بشپړه شي. چارواکي زیاتوي چې د دې لارې په فعالېدو سره به افغانستان د سیمې د ترانزیټ په ستر اقتصادي مرکز بدل شي.
مهمه ده چې یادونه وشی چې د افغانستان د سوداګرۍ وزیر نورالدین عزیز د نوي ډیلي په سفر تللې دې، په نوي ډیلي کې ی تجارتي نندارتون لیدنه کړې چرته ی چې د افغانستان سوداګریزو توکو د سټال لیدنه هم کړې ده او افغان سوداګرو سره ی هم لیدنه کړې ده
یاد افغان وزیر افغان سوداګرو ته ډاډ ورکړې چې ددوی ستونزې به له اړوند هندي چارواکو سره ترخبرو لاندې راولي ترڅه د افغانستان او هند ترمنځ تجارتي اړیکې نورې هم قوي کړي
نورخبرونه: د افغانستان سوداګرۍ وزیر د هند په نوي ډیلي کې سوداګریز نندارتون دوره کړې