اسلاماباد : د پاکستان مرستیال وزیراعظم او د بهرنیو چارو وزیر سنیټر محمد اسحاق ډار به د شانګهایی د همکارۍ سازمان د حکومتونو د مشرانو د شورا سی ایچ جي په راتلونکې غونډه کې د پاکستان د استازي په توګه ګډون وکړي. دا غونډه د روسیې د صدراعظم مایخایلوف میشوسټین په بلنه د ۲۰۲۵م کال د نومبر په ۱۷–۱۸مه په ماسکو کې ترسره کېږي
د رسمي معلوماتو له مخې، په دې غونډه کې د بېلاروس، چین، قزاقستان، قرغیزستان، روسیې، تاجکستان او ازبکستان د حکومتونو مشران، د ایران مرستیال ولسمشر او د پاکستان او هند د بهرنیو چارو وزیران ګډون کوي. ددې تر څنګ د منګولیا، بحرین، مصر، قطر، کوېټ او ترکمنستان لوړپوړي چارواکي هم په دې کی ګډون لري. او همدارنګه تمه کیږی د سیمهییزو او نړیوالو سازمانونو ، لکه
د CIS، EAEU، CSTO او Democratic Socialists of America (DSA) ـ
استازي به هم په دی غونډه کی ګډون اوکړي
په دی غونډه کی به د پاکستان مرستیال صدراعظم محمد اسحق ډار د پاکستان دریځ د مهمو علاقایی او نړیوالو موضوعاتو په اړه څرګند کړي او د ګډو همکاریو د پیاوړتیا وړاندیزونه به ترسره کړي، څو د شنګهایی سازمان د پراخې سیمې لپاره ګډې ګټې ترلاسه کړی شی
سي ایچ جي غونډه د ایسسياو دویمه ستره پرېکړه کوونکې اداره ده چې د اقتصاد، مالي چارو، سوداګرۍ، نښلونې او ټولنیزو اقتصادي همکاریو په تړاو د سازمان د عمومي تګلارو مسوولیت لري. تمه کېږي چې غونډه به یو ګډ اعلامیه او یو لړ نور مهم پیغامونه او پریکړی اعلان کړی
د غونډې په ترس کې به سنیټر اسحاق دار د ایس سی او د بېلابېلو غړو هېوادونو له مشرانو سره د دوه اړخیزو تعلقاتو او ګډو ګټو په اړه ملاقاتونه هم کوی
نورخبرونه: چین کې د شانګهایی همکاریو سازمان مهمه غونډه پیل شوې ده