د خیبر پښتونخوا په بیله بیلو سیمو کې د امنیتي ځواکونو له لوري ترهګرو پر ضد اپریشن ترسره شوې ده، په دوو بېلابېلو عملیاتو کې د امنیتي ځواکونو لخوا ۲۰ خوارج وژل شوي دي
د پاکستان د پوځ د عامه اړیکو له مخې څانګې آیی ایس پي ار ترمخه دا عملیات د خوارجو پر ضد د نومبر په ۸مه او ۹مه نېټه ترسره شوي دي
د پاکستان پوځ ویاندې ادارې په وینا، امنیتي ځواکونو د شمالي وزیرستان د شوال په سیمه کې د استخباراتي معلوماتو پر بنسټ عملیات ترسره کړل
په دې عملیاتو کې د امنیتي ځواکونو له خوا د هند په ملاتړ فعالو خوارجو پټنځای په مؤثره توګه په نښه شو، چې په پایله کې یې ۸ خوارج ووژل شول
د آیی ایس پي ار د معلوماتو له مخې، امنیتي ځواکونو د دره آدم خېل په سیمه کې هم د خوارجو پر ضد د استخباراتي معلوماتو پر اساس بل عملیات ترسره کړ۔په دغه عملیاتو کې د ډزو پر مهال ۱۲ ترهګر ووژل شول۔
د آیی ایس پي ار په وینا، د نورو هندي ملاتړ لرونکو ترهګرو د له منځه وړلو لپاره په یادو سیمو کې د ترهګرو پر ضد عملیات روان دي ترڅو دغه سیمې له ترهګرو پاکې کړې شي
د پوځ د عامه اړیکو څانګې زیاته کړه، چې د “عزمِ استحکام” تر چتر لاندې د ترهګرۍ ضد هڅې به دوام ولري او له هېواده به د بهرني هیوادونو ملاتړ لرونکې ترهګرۍ ریښې له جرړو اوویستل شي
نورخبرونه: دیر کې ترهګریز برید: د قامي کرکټ لوبغاړي نسیم شاه پر کور ډزې شوي