اسلاماباد : د هند رسنۍ سي این این ۱۸ نیوز د راپور له مخې، د افغانستان د قبایلو او سرحدونو وزير د جمعې په ورځ پاکستان ته “مستقيم ګواښ” کړی، چې دا د دواړو هېوادونو ترمنځ د سرحدي تاوتريخوالي د زياتېدو نښه بلل کېږي.
راپور زياتوي چې د طالبانو چارواکي اوس د تحريک طالبان پاکستان د مسئلې په اړه په ښکاره توګه له اسلاماباد سره دريږي، له دې بیان وروسته د پاکستان او افغان طالبانو ترمنځ د تاو تریخوالي د زیاتیدو انديښننه ده
شنونکي وايي دا ډول “غږيز او تحريکوونکي” څرګندونې د افغان ثبات لپاره هېڅ نه کوي، بلکې د هند د خوښۍ سبب ګرځي، ځکه نوي ډيلي د پاکستان او افغانستان ترمنځ د تاوتريخوالي ژورتيا ته په مسکا ګوري او هند غواړي باکستان او افغان طالبانو په جنګ واړوي
د هند د رسنيو تبليغاتي بڼه
په اکتوبر ۲۰۲۵ کې ګڼو هندي رسنيو د افغان چارواکو له لوري د پاکستان پر ضد د ګواښونو لړۍ راپور کړه. د هندو ورځپاڼې د طالبانو د بهرنيو چارو وزير امير خان متقي له قوله ليکلي و، چې افغانستان “سولهييز چلند غوره کوي”، خو که ډيپلوماتيکه هڅه ناکامه شي، هېواد “نورې لارې” هم لري.
همدارنګه د نیو انډین ایکسپریس ورځپانړې هم د طالبانو د دفاع وزارت وياند عنايت خوارزمي ته اشاره وکړه، چې ويلي و افغان ځواکونه د “پياوړې دفاع” بشپړ تياری لري او که پاکستان د افغانستان ځمکنۍ بشپړتيا نقض کړي، “سخت غبرګون” به ورکړي.
د هندي رسنیو دا بیانونه څرګندوي چې هند او د هند رسنی څومره خوښي لري چې د پاکستان او افغانستان ترمنځ اور ته لمن اووهي او دا دواړه هیوادونه په جنګ اخته کړي
دي انډین ایکسپریسن بيا د طالبانو وياند ذبيحالله مجاهد له خولې ليکلي و، چې “که پاکستان بيا د سرحد خلافورزي وکړي، نو پياوړی ځواب به ورکړل شي.”
د هند د رسنۍ پنجاب ټوډې نیوز د متقي د نوي ډيلي د سفر په تړاو وويل، چې افغانستان “صفر تاوتريخوالی” غواړي، خو “بديلې لارې” هم شته که پاکستان د سولې هڅو ته مثبت ځواب ورنه کړي.دا ډول بیانونه ښکاره څرګندونه کوي چې د افغان طالبانو او پاکستان ترمنځ جنګ کې هند څومره خوښي لري ، هند غواړي پاکستان په داخلي ستونزو او جنګونو کې ښکیل کړي او خپل ګټې ترلاسه کړي
د پاکستان قانوني او روښانه دريځ
اسلاماباد ټينګار کوي چې د افغان طالبانو دريځ قانوني او له نړيوالو اصولو سره سم دی خو دلته بیا پاکستان وايي افغان خاوره بايد د ترهګرو ډلو، لکه کالعدم ګرځول شوې ډلې ټي تي پي د پټنځای يا ملاتړ لپاره ونه کارول شي. پاکستان له کابل څخه څو ځل غوښتنه کړې چې “د ترهګرو شبکې له منځه يوسي، مشران يې وسپاري، او د راتلونکو ګواښونو د مخنيوي لپاره تحريري ضمانت ورکړي.” دا غوښتنې د ملګرو ملتونو د پرېکړو سره سمون لري او د افغانستان پر حاکميت تېری نه ګڼل کېږي خو افغان طالبانو د لیکلې ژمنې څخه انکار کوي چې له امله ی د دوحه قطر مذاکرات او بیا د استنبول خبرې د ځنډ ښکار شوي دي او له دې خبرو هیڅ کوم مثبته پایله نه ده راوتلې
د هند د رسنيو دوهګونی معيار
امنیتي شنونکي وايي د هند رسنۍ د افغان چارواکو ګواښونه پراخوي خو د طالبانو تر واک لاندې د ترهګرو پناهځایونو شواهد له پامه غورځوي.دا ددوی دوه ګونې معیار دې چې د ترهګرو پټځایونه او د پاکستان پر ضد د افغان خاورې کارول نه راپور کوي او په دې چوپ دي
يو لوړپوړي پاکستاني امنیتي چارواکي وويل، “ځينې افغان د ډیرې لاندې کچې چارواکي په غيرمسؤلانه توګه د پاکستان پر ضد ګواښمنې څرګندونې کوي، حال دا چې د دوی د مذاکراتي ډلې يو ځل بيا د سولې په خبرو کې له عملي ګامونو اخيستو انکار وکړ.” زیاتوي چې دا افغان ذمه وار افغان طالبان او افغان اولس سره زیاتې کوي چې په نورو هیوادونو کې ناست دي او د پاکستان او افغان طالبانو ترمنځ د جنګ لپاره لمن
د هند رول او دوه مخې ډیپلومیسي
شنونکي وايي هند لا هم د سيمې د ګډوډۍ له دوام ګټه اخلي، او د “افراطي طالبانو رژيم” ملاتړ د افغان ولس د خير لپاره نه، بلکې د پاکستان د بېثباتۍ لپاره کوي. د طالبانو د رهبرۍ زياتېدونکې اړيکې له هند سره او د کشمیر په اړه د هند د دريځ تکرار دا ښيي چې کابل د نوي ډيلي په مدار کې راښکته شوی دی.
څارونکي زياتوي چې هند په دوامداره توګه پاکستان “د ترهګرۍ ملاتړ کوونکی هېواد” بولي، خو د ملګرو ملتونو او سیګار راپورونه له پامه غورځوي چې ښيي د طالبانو تر واک لاندې افغانستان اوس هم د ترهګرو ډلو پناهځایونه لري. دا چلند د هند “د اخلاقي دعوې تشوالی او ژوره ریاکاري او منافقت” څرګندوي
د پاکستان وروستی غبرګون
پاکستان يو ځل بيا خپل دريځ تکرار کړی چې “د خپلو سرحدونو او خلکو د دفاع لپاره به هر اړين ګام پورته کړي، که هر څومره هم دا کار د هند يا د هغه د ملاتړ کوونکو هېوادونو خوښ نه وي.” چارواکي وايي خبرو ته ژمنتيا ضروري ده، خو “سوله يوازې په خبرو نه، بلکې په عملي ګامونو او د سرحدي ترهګرۍ پر ضد د عمل کولو وروسته ټینګیدلې شي
نورخبرونه: د استنبول خبرو حقیقت څه دې؟د افغان طالبانو ګمره کوونکي بیانونه