د افغانستان د بهرنیو چارو وزیر مولوي امیر خان متقي سره خپل هندي سیال ډاکټر جيشنکر ټیلیفوني خبرې وکړې دې او نن د افغانستان په شمالي ولایتونو کې د زلزلې وروسته په شوي زیان خواشیني څرګنده کړې ده
د هند د بهرنیو چارو وزیر جې شنکر د افغانستان په شمالي ولایتونو کې د تېرې شپې زلزلې له امله د اوښتو زیانونو په پار غمرازي شریکه کړې او د عاجلو بشري مرستو چې په کې ۱۵ ټنه خوراکي توکي شامل دي اسلامي امارت ته د تسلیمولو خبر ورکړ
جې شنکر زیاته کړې، هېواد به یې ډېر ژر د خوړو او درملو برخه کې نورې اړینې مرستې هم وکړي، دغه راز د هېواد د بهرینو چارو وزیر له خپل هندي سیال څخه مننه کړې او ډاډ یې ورکړی، چې پر وخت به د هند مرستې اړمنو ته ورسېږي
همدا راز دې خبرو کې دواړو خواوو د دوه اړخیزو اړیکو په پیاوړتیا او په سیمهییزو مسایلو هم بحث کړی او هند ته د مولوي امیر خان متقي د وروستي سفر د پایلو په تعقیب ی هم ټینګار وکړ مهمه ده چې یادونه وشی چې نن د شپې ناوخته په شمالي افغانستان مزار او سمنګان کې د ۶.۳ شدت زلزلې له امله ۲۰ څخه زیات کسان شهیدان شوي او تر۵۳۴ پورې ټپیان شوي دي
نورخبرونه: د افغانستان شمالي برخو کي زوروره زلزله شل تنان مړه
