د پاکستان پرضد په دې وروستیو کې په یو منظم ډول ډيس انفارميشن یعني د درواغو تبلیغ کمپېن پیل شوې دې خو په دې وروستيو کې ښکاره شوی چې هند، اسرائيل او افغانستان د پاکستان پرضد ،دا ټول په یو لار روان دې او ددې درواغجن کمپاین برخه دي
د پاکستان او هند د ټکراو شخړې په مهال اسرائيل او افغانستان د هند له جعلي بيانونو سره ولاړ وو، همداسې د متقي د وروستي هند سفر او د پاک–افغان سرحدي شخړو پر مهال هم د دواړو هېوادونو اتفاق رابربنډ شوې دې
د ایچ ټي این خبريال اسامه قذافي ته د اطلاعاتو مرکزي وزارت په مطبوعاتي غونډه کې د هغه د ځواب پر مهال وفاقي وزير اطلاعات عطاالله تارړ وويل چې په وروستيو کې د پاکستان پر ضد د افغان او هند تړون په بربنډیدو کې هېڅ شک نشته، خو دا به د پاکستان باندې هیڅ کوم اغېز ونه لري. پاکستان ډېر لوي او ځواکمن هېواد دې او له کابل څخه دا ډول د اسلام آباد پر ضد د يرغل خبرې کول له بې عقلۍ پرته بل هیڅ نه دي.
تارړ زياته کړه چې د هند د پروپګنډې جګړې افغانستان اغېزمن کړی او افغانان هڅه کوي له هند څخه د پروپګنډې طريقې زده کړي. متقي په هند کې د کشمير په اړه پرته له کومې پوښتنې اظهار وکړ، حال دا چې له هغه څخه د کشمير په اړه پوښتنه هم نه وه شوې. تارړ وويل يو یو داسې کمزورې هیواد چې په هیڅ کې هم نه دې او هغه د کشمير په اړه کومه خبره کوي، په پاکستان هیڅ کوم اغیز نه پریوزي
تارړ وويل چې د هند تر اثر لاندې د افغانستان رسنيو داسې رپورټونه خپاره کړل چې ګويا موږ پر اسلام آباد حمله کړې ده ، هغه په دې دعوو ټوکې وکړې او پر هغوی ی نیوکې وکړي چې پاکستان هغه هیواد دې چې له خپل خان څخه ډېر غټ او ځواکمن دښمن ته ی ماتې ورکړې ده
تارړ زياته کړه چې افغانستان سره مو مرسته کړې ، افغان مهاجرینو سره مو مرستې کړي ، ددوی میلمستیا مو کړې خو اوس هغوی دا مرستې هېرې کړي او پر اسلام آباد د يرغل خبرې کوي. هغه وويل چې افغانستان ته هېڅ هم د اسلام آباد پر ضد د يرغل ادعا کول سم کار نه دی او دا د دوی وس او ظرفيت نه دی. هغه ټينګار وکړ چې افغانستان بايد هېڅکله د اسلام آباد د ضد د يرغل خبره و نه کړي، د اسلام آباد پر ضد يرغل کول د افغانستان له وسه بهر کار دی. هغه همدا راز وويل چې افغانستان د خپلو ښځو څخه وېرېږي او هغوی ته اجازه هم نه ورکوي چې په ازاده توګه بهر راووځي، ټینګار ی وکړو چې داس هیواد له د پروپیګنډا کولو باندې شرم کول په کا دي
نورخبرونه: پاکستان کې د هند استخباراتي ادارو لوري ترهګریز فعالیتونه او پلانونه بربنډ شول
