د پاکستان بحري ځواکونو بحیره عرب په اوبو کې نږدې يو ميليارده ډالره (۱ ارب ډالر) ارزښت لرونکې نشه يي توکې نیولي دي، چې د دې بریا له امله د امريکا مرکزي پوځي کمانډ هم د پاکستان بحري ځواکونو ددې لوی اقدام ستاینه کړه ۔
د امریکا لوري د سينټ کام په رسمي بيان کې ويل شوي چې دا عمليات د سعودي عرب په مشرۍ د ګډ دندې ځواک د همکارۍ له لارې یرموک جنګي بېړۍ ترسره کړی دی۔
په بیان کې ویلې شوي دي په يوازې ۴۸ ساعتونو کې د پاکستان بحري ځواکونو دوه شکمنې کښتۍ ونيولې، چې له هغو څخه ۲ ټنه کرسټل مېتهه ، ۳۵۰ کيلوګرامه آيس او او ۵۰ کيلوګرامه کوکېن ترلاسه شوې۔د دغو نشه يي موادو مجموعي نړيواله ارزښت شاوخوا ۹۷ کروړه ۲۴ لکه ډالره ښودل شوې۔
دلته مهمه ده او باید یادونه وشی چې د سعودي شاهي بحري ځواکونو قوماندان فهد الجويد دغه بريا د هېوادونو ترمنځ د اغېزمنې همکارۍ يوه غوره بېلګه وبلله۔
د پاکستان بحري ځواک دا اقدام د نشه يي توکو د سمندري قاچاق پر وړاندې يو مهم او بريالی ګام بلل کېږي، چې د هېواد د امنيتي ځواکونو مسلکي وړتيا او د نړۍ هیوادونو د یوبل سره همکاري څرګندوي۔