پاک افغان بارډر سره څیرمه د ضلع خیبر په لرې پرته او له ترهګرۍ او مذهبي اختلافاتو له امله رامنځته شوو شخړو له امله اغیزمنه شوې سیمه وادي تیراه کې له وسلهوالو ډلو سره د خیبر مشرانو د جرګو دویم پړاو پای ته رسېدلی دی. جرګه د وادي تېراه په “باغ” سیمه کې ترسره شوه
د خیبر جرګې مشران
د ضلع خیبر څخه د مشرانو دې جرګه کې د تحصیل لنډي کوتل او باړه یوڅخه یو شمېر قومي مشرانو ګډون کړی و، چې په هغوی کې ملک تاج الدین، مفتی محمد اعجاز، ملک عبدالرزاق ذخهخېل، ملک طاهر خان، ملک زیر احمد شاه، ملک خالد خان او ملک پرویز شامل وو. د باړ تحصیل سیاسي اتحاد مشران هم په دې جرګه کې شامل وو
خیبر مشرانو د وسله والو ډلو سره خبرې
د جرګې غړو د وسلهوالو دوو بېلابېلو ډلو سره خبرې وکړې، لومړی ډله د حافظ ګل بهادر، لشکرِ اسلام او جماعت الاحرار استازي او دویمه ډلې تحریک طالبان پاکستان استازو سره د خیبر دې مشرانو خبرې وکړو
د خبرو جزئیات او غوښتنې
د جرګې د سرچینو په وینا، د جرګې غړو دواړو ډلو ته واضح پیغام ورکړ چې که تاسو له سیمه نه ونه وځې نو د امنیتي ځواکونو عملیات به حتمي وي، چې له امله به سیمهیزو خلکو ته د بېکوره کېدو، اوځاني مالي زیان رسیدلو خطره وي
د سرچینو له مخې، دواړو وسلهوالو ډلو جرګې ته ویلي چې دوی د ملکي خلکو د خوندي پاتې کېدو لپاره د سیمې پرېښودو په اړه غور کوي. هغوی د دې لپاره د خبرو د دوام غوښتنه وکړه ترڅو د خپلو مشرانو سره تر سلا مشورې وروسته یوه وروستۍ پرېکړه وکړي
د خبرو لومړی پړاو
دلته باید یادونه وشي چې لس ورځې وړاندې د خیبر جرګې او وسلهوالو ترمنځ د خبرو لومړی پړاو ترسره شوی چې پکې وسلهوالو په قبایلي سیمو کې د شریعت عملي کولو غوښتنه کړې وه
نورخبرونه
پاکستان ولې مجبور شو چې له افغانستانه د ټي تي پي بریدونو ته غبرګون وښایی
وادي تیراه کښې سبا کالعدم ټي ټي پي سره جرګه کیږي
په وادي تیراه کښې کالعدم ټي ټي پي سره د مشرانو جرګه کامیابه شوې