په دې وروستیو کې د هند او افغان رسنیو له لوري د پاکستان پر ضد یو ګډ د درواغو پروپاګنډې بیان جوړ شوې او خپور شوې وو چې پکې ادعا شوې وه چې د پاکستان د دفاع وزیر خواجه آصف او د آی ایس آی مشر لېفټیننټ جنرل عاصم ملک ته د طالبانو حکومت د ویزې ورکولو څخه انکار کړې دې
په دغه منظم د درواغو کمپاین کې دا هم ویل شوي چې په تېرو درېیو ورځو کې څو ویزې غوښتنې رد شوې دي، خو مستند سرچینې وايي دا ټولې خبرې بېاساس، دروغ او د یوې هدفمندې پروپاګنډا برخه دي
د پاکستان د معتبر حکومتي سرچینو له مخې، له اسلام آباد څخه کابل ته هیڅ کوم ډول ویزه غوښتنه نه ده استول شوې. برعکس، د دې ډول افواه ګانو خپرول له افغان او هند لوري د یوه منظم اطلاعاتي برید برخه ده چې پکې افغان طالبان د هند د هڅونې او همغږۍ له مخې دا دروغ خپروي، څو د پاکستان پر ضد منفي احساسات را وپاروي
سرچینې زیاتوي چې په حقیقت کې د ویزې غوښتنې د بل لوري څخه راغلې وې، خو پروپاګنډه خپروونکو له قصده دا حقیقتونه پټ کړي او له پامه غورځولي دي
شنونکي وايي دا ډول “خبرونه” د هند د اوږدمهاله ضدپاکستاني تبلیغاتو تسلسل دی، او دا ځل یې کابل کې خپل هم خیال اوملګري هم ورسره یوځای کړي دي. د دوی په وینا، دا هڅې نه یوازې د پاکستان د سفارتکارۍ اعتبار ته زیان رسول هدف لري، بلکې د هند او د طالبانو د رژیم ترمنځ د پټ سیاسي تفاهم او ګډو اهدافو انکشاف او ښکارندوی هم کوي
پاکستاني چارواکو بیا ټینګار کړی چې د اسلام آباد دریځ تل د سیمهییز ثبات، متقابل احترام او د سولې د هڅو ملاتړ کړی دی خو ځینې هېوادونه غواړي د جعلي او درواغو خبرونو له لارې د خپلو سفارتکارۍ ناکامیو او سیمهییزې انزوا څخه پام واړوي
شنونکو دا هم ویلي چې دا پېښه یو ځل بیا دا حقیقت څرګندوي چې د هند او د طالبانو تر داسې د درواغو خبرونه خپرول هند او د افغان طالبانو حکومت د خپلو سیاسي او سفارتي ګټو لپاره کاروي خو نړۍ تل لیدلي دي چې د هند دا هڅې ناکامه ثابته شوي دي
نورخبرونه
دافغانستان اړوند استخباراتي ادارې سوشل میډیا پاڼو باندې د پاکستان په ضد پروپیګنډه پیل شوې
د پاکستان قیمتي ډبرې او د سازشي خلکو د درواغو بیانیه او پروپیګنډه