د خیبر پښتونخوا د پاکستان تحریک انصاف ګوند ځوان صوبایی وزیر او نوي ټاکل شوي وزیراعلی سهیل افریدي په خپل لومړي بیان کې د هیواد د افغان پالیسۍ باندې نیوکې کړي دي او ویلي ی دي چې نوې افغان پالیسي چې جوړیږي باید ددې په بهیر کې ولسي استازې په اعتماد کې واخستلی شي.
نوموړي ویلي چې چې زه به د خپل ګوند مشر عمران خان به امر سمدستي لبیک وایم، هغه اوویل چې څو ورځې وشوې چې ګنګوسي دوام لري چې د خان زندان بدلولې شی، زیاته کړه چې که د عمران خان د کورنۍ د خوښۍ پرته داسې وشي نو زه به ټول پاکستان بند کړم، وې ویل چې زمونږ مشر د امن او جمهوریت غوښتنونکې وو.
نوي ټاکل شوي وزیراعلی اوویل چې عمران خان حکومت د اسریلي ریاست د نه منلو له امله له څوکۍ راکوز شو او د هغه حکومت ړنګ کړې شو، وې ویل او ټینګار ی وکړو چې د خیبرپښتونخوا د سیمې ټول ماشومان او ښځینه عمران خان سره مینه کوي. .
سهیل افریدي اوویل چې د لندن پلان له لوري ترهګري راوړل شوه ، زیاته کړي چې یو ځل بیا د پښتنو د سرونو قیمتونه ټاکل کیږي . هغه اوویل چې مونږ چغې وهلې چې دلته بیا ترهګر راوړل کیږي خو په مراد سعید باندې تور ولګول شو.
نوموړي اوویل چې زمونږ مشر عمران خان د پوځي عملیاتو مخالف وو نو مونږ هم د پوځي اپریشن مخالفت کوو، زیاته ی کړه چې که دوی استخباراتي اپریشن کړې دې نو بیا خو ددې بل کوم حل نشته، نوي ټاکل شوي وزیراعلی زیاته کړه چې کوم عملیات چې ترسره کیږي باید د علاقې مشران په اعتماد کې واخستل شی.
افغان پالیسۍ ته باید بیا کتنه وشي: سهیل افریدي
نوي وزیراعلی ددې هیواد واکمنو له لوري جوړې شوې پالیسي باندې نیوکه وشوه او وې ویل چې افغان پالیسۍ ته باید بیا کتنه وشی ، زیاته ی کړه چې کومه افغان پالیسي چې جوړولې شی باید عوامي نمایندګان په دې اړه په اعتماد کې واخستل شي،هغه اوویل چې دا پالیسي وی چې ټول عوامي استازې په اعتماد کې واخستل شي.
هغه اوویل چې افغان ورونړو چې دلته څلویښت کاله تیر کړل، له بده مرغه په زور باندې له دې هیواده شړل کیږي، وې ویل او زیاته ی کړه چې علي آمین ګنډاپور د افغان ورونړو ډیر عزت وکړو او دوی لپاره ی د خوړو انتظام کړوو، هغه اوویل چې پوځي اپریشن د ترهګرې د حل لاره نه ده او نن سبا نړۍ کې خلک د خبرو اترو له لارې ستونزې هواروي.
نورخبرونه
خیبرپښتونخوا کې د وزیراعلی لرې کولو وروسته سیاسي هلو ځلو زور اخستې
په خیبرپښتونخوا کې اپریشن اجازه نه ورکوو: وزیراعلی علي آمین ګنډاپور