پېښور : د خیبرپښتونخوا وزیراعلي علي امین ګنډاپور له استعفا وروسته، د نوي حکومت د جوړېدو لپاره سیاسي هڅې او د سیاسي جوړ جاړي لپاره د سیاسي ګوندونو مشرانو هلې ځلې چټکې شوي دي. د پاکستان تحریک انصاف بنسټګر او پخوانی وزیراعظم عمران خان د وزیراعلي څوکۍ لپاره د خپل ګوند ځوان سیاستوال سهیل آفريدي نوم وړاندې کړی دی، خو اپوزېشن ګوندونه هم د خپل ممکنه ګډ حکومت جوړولو لپاره فعال شوي دي.
سرچینې وايي چې د همدې موضوع په تړاو نن د تحریک انصاف مشره شاندانه ګلزار او د جمعیت علمای اسلام (ف) مخکښ مشر مولانا عطاالرحمان ترمنځ د یوې مهمې لیدنې تمه کیږي، د سیاسي حلقو په وینا، دا لیدنه به د راتلونکي حکومت د جوړښت، ممکنه سیاسي ائتلاف او ګډو تګلارو پر موضوع ځانګړې پام ولري. .
مولانا عطاالرحمان : یوه لانجمنه سیاسي څېره
مولانا عطاالرحمان دا مهال د سینیټ غړی دی خو په دې وروستیو کې د هغه ناقانونه ګرځول شوې ډلې تحریک طالبان پاکستان په اړه بیان دا یاد سیاستمدار له سختو نیوکې سره مخ کړې وو، سیاسي شنونکي وایی د طالبانو او جمعیت علمای اسلام ف ګوند یو بل سره اړیکې د چا نه پټې نه دي او پي ټي آیی مشرې شاندانه او د مولانا عطاالرحمان ترمنځ دې لیدنې دا اړیکې نورې هم شکمنې کړي دي.
د عمران خان له لوري د سهیل آفريدي نوماند کول هم ګڼې پوښتنې راپورته کړې دي، ځکه هغه په تېر وخت کې د تحریک طالبان پاکستان** سره نږدې ګڼل شوی و.
شنونکي وايي چې د پی ټي آی او جے یو آی (ف) ترمنځ ممکنه اړیکې او تماسونه د **امنیتي ادارو لپاره د اندېښنې وړ دي، ځکه دواړه ګوندونه له پخوا د سختدریځو ډلو د نرم چلند له تورونو سره تړل کېږي.
د شاندانه ګلزار پر ضد تورونه او سیاسي شخړې
پر شاندانه ګلزار هم د نهمې مې پېښو او د ریاست ضد دریځ لرلو تورونه شته، چې د دې لیدنه یې لا نوره هم لانجمنه کړې ده. سیاسي مبصرین وايي که چیرې د سختدریځو نظریاتو لرونکي کسان د واک برخه وګرځي، نو د خیبرپښتونخوا د امنیت وضعیت به لا پسې خراب شي او دا به د ټولې سیمې د ثبات لپاره یو خطرناک پرمختګ وي .
نورخبرونه
لندن ته د شهباز شریف سفر: پاکستان تحریک انصاف د مظاهره کولو اعلان