باګرام هوائي ډګر يا د هيواد يو انچ خاوره هم امريکې ته نشو سپارلې، ذبيح الله مجاهد

د امريکې سکائي نيوز سره مرکې په مهال د اسلامي امارت وياند ذبيح الله مجاهد يو وارې بيا هغه راپورونه رد کړيدي چې ګني د باګرام هوائي ډګر انتظام د امريکې په حواله کړي شوېدے ۔ ذبيح الله مجاهد وائي چې امريکائي اولسمشر وخت په وخت د باګرام اډه بيرته د نيولو بيانونه ورکوي خو افغان دولت او اولس به د هيواد يو انچ خاوره هم بل هيواد له ورنه کړي ۔ افغان دولتي وياند مخکښې وائي که چرې د افغانستان خاوره دوباره بهرملکيانو ته سپارل وو نو بيا خو د طالبانو شل کليزې جهګړې او هيواد څخه بهرملکيان د ويستلو لپاره مبارزې څه اهميت پاتې نه شو، مونږخو قربانۍ هم د دې لپاره ورکړې وې چې په هيواد کښې به هيڅ يو بهرملکې پوځي موجوديت نه لري ۔ د يوې پوښتنې په ځواب کښې ذبيح الله مجاهد ووئيل چې صدر ټرمپ دې د دوحه لوظنامې پاسداري وکړي او د افغانستان په کورنيو معاملو کښې دې د لاس وهنې څخه ډډه وکړي ۔

اسلامي امارت او امريکې ترمينځ د رابطو تصديق

د افغان دولت وياند ذبيح الله مجاهد د امريکني واکمنو سره د رابطو تصدي کړېدے وئيلي ئي دي چې د دواړؤ هيوادونو د واکمنو ترمينځ خبرې اترې او رابطې جاري دي خو دا رابطې د سفارتي اړيکو بيا د جوړولو په بابله کيږي، ذبيح الله وائي چې کابل کښې د امريکې او په واشنګټن کښې د اسلامي امارت سفارتخانې بيا کهلاؤلو په موضوعاتو د امريکې او افغان دولت ترمينځ خبرې روانې دې طمع لرو چې رابطې به ګټه ور نتائج رامخې ته کړي ، ذبيح الله مجاهد زياته کړه چې امريکې سره د رابطو مطلب دا نه دې چې امريکني پوځ بيرته افغانستان ته راتګ کول غواړي دا خبرې صرف تر سفارتي اړيکو پورې محدود دي اسلامي امارت ټولو هيوادونو سره د برابرۍ په کچ تعلقات قائمول غواړي بايد چې د روس په رنګ نور ملکونه هم د اسلامي امارت په رسميت وپيژني ۔ افغان زنانؤ باندې د تعليم او کار روزګار بنديز په بابله د يوې پوښتنې په ځواب کښې ذبيح الله مجاهد ووئيل چې دا بنديزونه د شريعت مطابق دي،د شرعي قوانينو او د عالمانو رائے مطابق به د جينکو تعليمي ادارے بيا پرانستو فيصله کيږي خو ذبيح الله مجاهد دا وضاحت نه دې کړے چې دا فيصله کله متوقع دے ۔