بيجنګ:افغانستان ته د امريکني پوځيانو بيرته ليږل او د باګرام هوائي ډګر د طالبانو نه واپس اخستو په حواله د امريکائي صدر ډونلډ ټرمپ په څرګندونو د افغان دولت نه پس ګاونډي ملک چين هم خپل غبرګون ښودلې دے ۔ بيجنګ کښې پريس بريفنګ ته وينا په مهال د چين د خارجه وزارت وياند لين جيان وئيلي دي چې د صدر ټرمپ دغه څرګندونې په افغانستان او منطقه کښې تاؤ تريخوالې پيدا کولو هڅې دي د کوم چې به نتائج ډير خطرناک وي او چين د دې ملاټر نشي کولے ۔ باګرام هوائي ډګر واپس اخستو په حواله د صدر ټرمپ بيان په ردعمل کښې لين جيان ووئيل چې دا قسمه بيانونه او څرګندونې د افغانستان د حاکميت او خپلواکۍ په ضددي،چين د افغانستان خپلواکۍ ته درناوې لري،دې هيواد کښې دوباره تاؤتريخوالې او بدامني رامخې ته کيدل د افغانانو ګټه کښې نه دي ۔ د يوې پوښتنې په جواب کښې د چين خارجه وزارت وياند زياته کړه چې د خپل هيواد د راتلونکي په حواله څه قسم فيصله کول د افغانانو حق دے ۔ لين جيان طمع څرګند کړېده چې منطقه کښې څه قسمه بله جهګړه نه پيدا کيدو لپاره به ټول فريقين د سولې، امن او د استحکام لپاره مثبت کردار ادا کړي ۔ ياده دي وې د امريکې صدر ډونلډ ټرمپ لندن کښې د برطانيې صدر اعظم سټارمر سره ملاقات وروستو پريس کانفرنس ته وينا په مهال افغانستان ته پوځ بيا د ليږلو اشاره ورکړي وه او وئيلي ئي وو چې د باګرام هوائي ډګر بيرته د طالبانو نه واپس اخلو،ټرمپ د افغانستان نه ټول امريکني پوځيان واپس رابللو او باګرام پوځي اډه پريښودو په حواله د پخواني صدر جوبائيډن په فيصلو سخت غبرګون ښودلې وو،ډونلډ ټرمپ وئيلي وو چې باګرام هوائي ډګر امريکې سره پاتې کيدل زمونږ په ګټه کښې وو، دا پوځي اډه
د چين د ايټمي وسلې د جوړولو مرکز سره هم نزدې دے مونږ کوشش کوؤ چې د دې اهم مرکز کنټرول دوباره د امريکې په لاس کښې راشي ۔