لنډي کوتل: د پاکستان بیله بیلو سیمو څخه د تورخم له لارې افغانستان ته د واپس تلونکو افغان کډوالو لړۍ دوام لري او د سرچینو ترمخه له لومړې نیټې د اګست څخه تر ۱۸ سپتمبر پورې د یو لک څخه زیات پي او آر کارډ لرونکې افغان وګړي خپل هیواد ته ستانه شوي دي.
د خیبر پښتونخوا د کورنیو چارو او قبایلي چارو ریاست د معلوماتو له مخې، یوازې پرون د پی او آر کارټ لرونکي ۲ زره ۵ سوه او ۹۰ نوي افغان وګړي د تورخم له لارې افغانستان ته واپس ستانه شوي دي، د یاد ریاست په وینا، پرته له سفري اسنادو ۹۱۷ افغان وګړي هم له هېواده واپس افغانستان ته ستانه شوي دي. ددې ریاست ترمخه افغان پي او آر کارت لرونکي ۱ لک، ۱۱ زره او ۵۴ افغان وګړي افغانستان ته واپس ستانه شوي دي.
هم دې ریاست څخه معلومه شوې ده چې افغان سیټیزن کارت لرونکي ۵۰ زره او ۳۵ افغان وګړي هم واپس افغانستان ته تللي دي.
یو این ایچ سي افغان کډوالو سره مالي مرسته هم کوي
افغانستان ته واپس تلونکو افغان کډوالو سره د ملګري ملتونو د نړیواله د کډوالو اداره یو این ایچ سي آر لوري هم نغدي مرستې ورکول کیږي.
د یو اهلکار د معلوماتو ترمخه یو افغان خاندان ته چې پي او آر کارت لري، ۱۵۶ امریکایی ډالر ورکول کیږي او په افغان خاندان کې بیا هر یو د کورنۍ غړي ته هم ۳۵ امریکایی ډالر ورکول کیږي.
هم ددې اهلکار د معلوماتو ترمخه د خیبر پښتونخوا په اضاخیلو کې د یو این ایچ سي دفتر لوري دې افغان کډوالو ته یو فورمه ورکول کیږي چې ددې کورنۍ ټول غړي پکې لیکل شوي وي، دې افغان خاندان له بیا دا ضروري وی چې په اووه ورځو کې افغانستان کې دننه دا مرستې لاس ته راوړي.
د سرچینو ترمخه افغانستان ته واپس تلونکو افغان وګړو ته به وړاندې د هر یو افغان خاندان په سر ۴۰۰ امریکایی ډالرو مرستو شوه خو وس څه مالي ستونزو له امله دا مرستې کمې شوي دي.
پاکستان کې د افغان کډوالو ټولنیزو مشرانو لوري غوښتنه شوې ده چې دا مرستې باید تر ۱۰۰۰ او ۲۰۰۰ ډالرو ورسي ځکه د پاکستان څخه افغانستان ته واپس تلونکو افغانانو څخه د کرایه په شکل کې په لکونو روپۍ اخستل کیږي. مشران وایی چې افغان وګړي زیات غریبه دي او دوی نه شوي کولې په لکونو روپې کرایه ورکړي نو ځکه دوی غوښتنه کوي چې ملګري ملتونو دې دا مرستې تر ۲۰۰۰ ډالرو ورسوی چې افغان کورنیو د پاکستان څخه د ټرکونو کرایه او نور د ژوند اړتیاوې پوره کړي.
نورخبرونه
جون مياشت کښې د ايران نه دوه نيم لکه نه زيات افغان خپل هيواد ته راستون شوی دی