باثباته او خوشحال افغانستان د سیمې په ګټه دې: شهباز شریف

د چین په ښار تیانجن کې تابیا شوې د شنګهایی همکارۍ سازمان غونډې ته د پاکستان وزیراعظم شهباز شریف وینا کړې ده.

نوموړي په خپله وینا کې ویلي دي چې په دې مهم پلیټفارم کې ګډون ورته د خوښۍ خبره ده او د چین د ولسمشر شي جین پینګ له شاندار مېلمستیا یې ژوره مننه وکړه.

د ازبکستان او قرغزستان ملي ورځې

وزیراعظم د غونډې پر مهال ازبکستان او قرغزستان ته د هغوی د ملي ورځو مبارکي هم ورکړه.

د چین د مشرۍ ستاینه

وزیراعظم په خپله وینا کې اوویل چ ې د چین نړیواله مشري نن د ایس سي او او نورو پلیټفارمونو کې د یوه مثال په توګه راڅرګنده شوې ده. د هغه په وینا، سی پیک د دې مشرتابه یو څرګند او فلیګ شپ پروژه ده۔

د حاکمیت درناوی

وزیراعظم ټینګار وکړ چې پاکستان د ټولو غړو هېوادونو او ګاونډیانو حاکمیت ته درناوی لري او له نورو څخه هم ورته چلند تمه کوي.

نوموړی اوویل د اوبو لاسرسي پر وړاندې خنډونه لرې کول د ایس سي او د لا اغیزمن فعالیت لپاره مهم رول لوبولې شي. .

د ترهګرۍ پر ضد دریځ

شهباز شریف د ترهګرۍ ټولې بڼې وغندلې او ویې ویل چې ځینو عناصرو ترهګري د سیاسي موخو لپاره کارولې، خو نړۍ نور دا دروغجن بیان نه مني. نوموړي په بلوچستان او خیبر پښتونخوا کې وروستي بریدونه او د جعفر ایکسپریس پېښه د بهرني لاس وهنې له شواهدو سره یاده کړه. .

د فلسطین ملاتړ

وزیراعظم د فلسطین پر وړاندې د اسرائیلو یرغل د منلو وړ ونه باله او ویې ویل چې په غزه کې روان ظلمونه او بشري ناورین د نړیوال وجدان پر مخ یو ژور داغ دی.

نوموړي د دوه‌ریاستي حل پیاوړی ملاتړ وکړ او ټینګار یې وکړ چې د ملګرو ملتونو د منشور درناوې د پاکستان د بهرنۍ تګلارې برخه ده.
د پاکستان قربانۍ او افغانستان سوله

شهباز شریف د ترهګرۍ پر وړاندې د پاکستان د زیاتو قربانیو یادونه وکړه او ویې ویل چې په تاریخ کې داسې قربانۍ نه موندل کېږي. نوموړي زیاته کړه چې پاکستان د یوه سوله‌ییز افغانستان پلوي دی ځکه دا د ټولې سیمې د سولې او هوساینې لپاره اړین دې. .

د همکارۍ ژمنه

وزیراعظم د خپلو خبرو پر مهال په پاکستان کې د وروستیو ویجاړوونکو سېلابونو یادونه هم وکړه او د چین په ګډون د نړیوالې ټولنې د مرستو او خواخوږۍ مننه یې وکړه وکړه.

نوموړي په پایله کې د ایس سي او مقصدونو او هدفونه ترلاسه کولې کې د پاکستان د بشپړه همکاریو او ژمنتیا ډاډ ورکړو.